Խորհրդակցության սկզբում մասնակիցները ներկայացրին նախորդ խորհրդակցության ընթացքում տրված հանձնարարականների կատարման վերաբերյալ տեղեկատվություն, որին հաջորդեցին առաջիկա երկու շաբաթվա ընթացքում կատարվելիք աշխատանքների վերաբերյալ հանձնարարականները

Հանձնարարվեց`

Ա. Ղուկասյանին`

- Համագործակցել վարչական ղեկավարների հետ և ներկայացնել տեղեկատվություն բնակավայրերում առկա ցայտաղբյուրների, դրանք փականներով կահավորելու վերաբերյալ.
- Երիտասարդության միջազգային օրվա առթիվ նախապատրաստել միջոցառումների ծրագիր՝ ներառելով համայնքի արտադպրոցական ուսումնական հաստատություններին. -
- Հետևել փաստաթղթաշրջանառությանը.
- Լուսաբանել համայնքում իրականացվող ծրագրերն ու ընթացիկ աշխատանքները.
- Աշխատել բնակավայրերի վարչական ղեկավարների հետ և տեղայնացնել սելավավտանգ տարածքների վերաբերյալ տեղեկատվությունը.

է. Ղազարյանին`

- Համագործակցել «Սևան համայնքի կոմունալ սպասարկում և բարեկարգում» ՀՈԱԿ-ի հետ աղբահանության ծառայությունների դիմաց հավաքագրվող գումարների ճշտման համար, ներկայացնել տեղեկատվություն կնքված պայմանագրերի թվային տվյալների վերաբերյալ.
- Ներկայացնել տեղեկատվություն խոշոր պարտք ունեցող ֆիզիկական և իրավաբանական անձանց վերաբերյալ, կազմակերպել նրանց կողմից պարտքերի վճարման գործընթացը.

Ն. Հարությունյանին`

- Նախապատրաստել Երիտասարդական միջազգային օրվան նվիրված միջոցառումների ժամանակացույցը և ներկայացնել միջոցառումների բովանդակությունը՝ համագործակցելով համապատասխան կառույցների հետ.
- Կազմակերպել խնամակալության և հոգաբարձության հանձնաժողովի աշխատանքների բնականոն ընթացքը, ապահովել դատական նիստերի մասնակցությունը.

Զ. Հարությունյանին`

- Բնակֆոնդի պահպանմանն ուղղված խնդիրների վերաբերյալ ներկայացնել առաջարկություններ, համայնքապետարան հասցեագրված դիմումների առնչությամբ իրականացնել այցեր, համագործակցել համատիրությունների նախագահների հետ.
- Հետևել բնակավայրերում իրականացվող գյուղատնտեսական աշխատանքներին, հանձնաժողովի հետ կատարել մոնիտորինգ և տեղեկացնել արդյունքների վերաբերյալ.

Պ. Պետրոսյանին`

- Շարունակել աշխատանքները համայնքի տարածքում ինքնակամ տեղադրված կառույցների սեփականատերերի հետ, ըստ անհրաժեշտության նախապատրաստել փաստաթղթեր վարչական վարույթ իրականացնելու համար.

Մ. Մկրտչյանին`

- Իրականացնել մշտադիտարկում համայնքի տարածքում պետական միջոցներով իրականացվող ծրագրերի շինաշխատանքների նկատմամբ.
- Հարուցել վարույթներ համայնքի տարածքում ինքնակամ շինությունների, ապօրինի տեղադրված տաղավարների սեփականատերերի նկատմամբ.
- 2021 թվականից հետո համայնքում իրականացված սուբվենցիոն ծրագրերի վերաբերյալ ներկայացնել տեղեկատվություն՝ նշելով կատարված աշխատանքների որակը, թերությունների շտկման ընթացքը.

Վարչական ղեկավարներին`

- Ժամանակին ներկայացնել տեղեկատվություն հանձնարարականների կատարման վերաբերյալ.
- Համագործակցել համայնքապետարանի ԿՄՍԵՀ բաժնի հետ և կազմակերպել երիտասարդության օրվան նվիրված միջոցառումներ: