Խորհրդակցության սկզբում անդրադարձ կատարվեց տրված հանձնարարականների կատարմանը, որին հաջորդեցին առաջիկա երկու շաբաթվա համար տրվող հանձնարարականները

Հանձնարարվեց`

Դ. Թորոսյանին`

- Համագործակցել բնակավայրերի վարչական ղեկավարների հետ և իրականացնել 2024թվականի ապրիլից մեկնարկող պահեստազորայինների ուսումնավարժանքների վերաբերյալ ծանուցագրերի բաժանման գործընթացը.
- Հետևել համայնքապետարանի փաստաթղթաշրջանառությանը, ապահովել գրությունների նախապատրաստմանը և առանց սահմանված ժամկետների ուշացման առաքմանը.
- Ապահովել համայնքում առաջիկայում իրականացվող հանրային լսումների իրազեկման գործընթացը.

է. Ղազարյանին`

- Նախապատրաստել համայնքի բյուջեի 2024թվականի 1-ին եռամսյակի հաշվետվությունը.
- Համագործակցել «Սևան համայնքի կոմունալ սպասարկում և բարեկարգում» ՀՈԱԿ-ի տնօրինության հետ և վերանայել բյուջեում աղբահանության ծառայությունների դիմաց նախատեսված գումարների հավաքագրումը.
- Եվս մեկ անգամ վերանայել համայնքում 2024թվականին իրականացվող սուբվենցիոն ծրագրի մասով ֆոնդային բյուջեի եկամուտների հոդվածը.

Ա. Հովհաննիսյանին`

- Խնամակալության և հոգաբարձության հանձնաժողովի աշխատանքները կազմակերպելիս համագործակցել բնակավայրերի վարչական ղեկավարների հետ, ապահովել դատական նիստերի մասնակցությունը.
- Ամենօրյա վերահսկողություն սահմանել ՆՈՒՀ-երում երեխաների հաճախելիության, սննդի որակի վերաբերյալ, հիվանդությունների բռնկման դեպքում իրականացնել օրենքով սահմանված գործառույթներ.

Ա. Հարությունյանին`

- Շարունակել համագործակցությունը տեղական և միջազգային կազմակերպությունների հետ ԼՂ-ից բռնի տեղահանված և Սևան համայնքում բնակվող արցախցիների հումանիտար աջակցությունը կազմակերպման նպատակով.

Զ. Հարությունյանին`

- Համագործակցել բնակավայրերի վարչական ղեկավարների հետ գարնան գյուղատնտեսական նախապատրաստական աշխատանքների գործընթացի շրջանակներում, միաժամանակ ներկայացնել տեղեկատվություն իրականացված աշխատանքների վերաբերյալ.
- Համագործակցել համատիրությունների նախագահների հետ բնակֆոնդի պահպանությանն ուղղված ընթացիկ աշխատանքների կազմակերպման համար.
- Հետևել բնակավայրերում 2016թվականից հետո կառուցված ջրարբիացման համակարգերի չափագրման աշխատանքներին.

Մ. Մկրտչյանին`

- Անցկացնել քննարկումներ 2025թվականի համար նախատեսվող սուբվենցիոն հայտերի ներկայացման ուղղությամբ, վերհանել համայնքային առաջնահերթությունները՝ համագործակցելով բնակավայրերի վարչական ղեկավարների հետ.
- Իրականացնել մշտադիտարկում համայնքի տարածքում պետական միջոցներով իրականացվող ծրագրերի շինաշխատանքների նկատմամբ.
- Կազմակերպել նոր ներկայացվող սուբվենցիոն ծրագրերի նախագծա-նախահաշվային փաստաթղթերի կազմման գործընթացը.
- Կազմակերպել համայնքում առաջիկայում իրականացվող հանրային լսումներ

Վարչական ղեկավարներին`

- Ներկայացնել տեղեկատվություն բնակավայրերում իրականացվող գարնանացան աշխատանքների վերաբերյալ.
- Կազմակերպել բնակավայրերի պահեստազորայիններին տրվող ծանուցագրերի հանձնման գործընթացը: