Խորհրդակցության սկզբում մասնակիցները ներկայացրին նախորդ խորհրդակցության ընթացքում տրված հանձնարարականների կատարման վերաբերյալ տեղեկատվություն, որին հաջորդեցին առաջիկա երկու շաբաթվա ընթացքում կատարվելիք աշխատանքների վերաբերյալ հանձնարարականները
Հանձնարարվեց`
Ա. Ղուկասյանին`
- Ս/թ հուլիսի 22-ից օգոստոսի 1-ն ընկած ժամանակահատվածում անցկացվող համայնքային ծառայողների վերապատրաստման դասընթացների կազմակերպման նպատակով իրականացնել իրազեկման և տեխնիկական աշխատանքներ. - Հետևել բնակավայրեր առաքվող հանձնարարականների կատարման ընթացքին. - Հետևել փաստաթղթաշրջանառությանը. - Լուսաբանել համայնքում իրականացվող ծրագրերն ու ընթացիկ աշխատանքները. - Հետևել կադրային գործի վարմանը. - Հրապարակել Սևան համայնքի 2024թվականի բյուջեի 1-ին կիսամյակի հաշվետվությունը. - Իրականացնել նախապատրաստական աշխատանքներ համայնքում առողջ ապրելակերպին նվիրված հանրային միջոցառումների իրականացման համար՝ համագործակցելով համապատասխան կառույցների հետ. - Իրականացնել իրազեկման աշխատանքներ «ԼՂ-ից բռնի տեղահանված ընտանիքների բնակարանային մատչելիության ապահովման պետական աջակցության ծրագրի» վերաբերյալ.
է. Ղազարյանին`
- Համագործակցել «Սևան համայնքի կոմունալ սպասարկում և բարեկարգում» ՀՈԱԿ-ի հետ աղբահանության ծառայությունների դիմաց հավաքագրվող գումարների ճշտման համար, ներկայացնել տեղեկատվություն կնքված պայմանագրերի թվային տվյալների վերաբերյալ. - Բաժնի համապատասխան մասնագետների հետ աշխատանքներ իրականացնել խոշոր պարտք ունեցող ֆիզիկական և իրավաբանական անձանց ծանուցումներ ուղարկելու և համապատասխան միջոցառումներ իրականացնելու համար. - Հետևել բնակավայրերում POS տերմինալների գործարկմանը.
Ն. Հարությունյանին`
- Ներկայացնել տեղեկատվություն համայնքի ՆՈՒՀ-երում ամռան շրջանում իրականացվող աշխատանքներին, հետևել երեխաների հաճախելիությանը. - Կազմակերպել խնամակալության և հոգաբարձության հանձնաժողովի աշխատանքների բնականոն ընթացքը, ապահովել դատական նիստերի մասնակցությունը. - Ներկայացնել տեղեկատվություն ՆՈՒՀ-երի մանկավարժական աշխատողների մրցույթների կազմակերպման, առաջիկա մրցույթների անցկացման վերաբերյալ.
Զ. Հարությունյանին`
- Շարունակել հետևել քաղաքի կոյուղու կոլեկտորի մաքրման աշխատանքներին, պարբերաբար ներկայացնել տեղեկատվություն աշխատանքների ընթացքի վերաբերյալ. - Բնակֆոնդի պահպանմանն ուղղված խնդիրների վերաբերյալ ներկայացնել առաջարկություններ, համայնքապետարան հասցեագրված դիմումների առնչությամբ իրականացնել այցեր, համագործակցել համատիրությունների նախագահների հետ. - Ներկայացնել տեղեկատվություն բնակավայրերում ընթացող գյուղատնտեսական աշխատանքների, գյուղատնտեսական ծրագրերի իրականացման վերաբերյալ՝ համագործակցելով վարչական ղեկավարների հետ.
Պ. Պետրոսյանին`
- Իրականացնել համապատասխան աշխատանքներ համայնքի տարածքում ինքնակամ տեղադրված կառույցների սեփականատերերի հետ, ըստ անհրաժեշտության նախապատրաստել փաստաթղթեր վարչական վարույթ իրականացնելու համար.
Մ. Մկրտչյանին`
- Իրականացնել մշտադիտարկում համայնքի տարածքում պետական միջոցներով իրականացվող ծրագրերի շինաշխատանքների նկատմամբ. - Հարուցել վարույթներ համայնքի տարածքում ինքնակամ շինությունների, ապօրինի տեղադրված տաղավարների սեփականատերերի նկատմամբ. - Հետևել սուբվենցիոն ծրագրերի ընթացքին, միաժամանակ 2025թվականի համար ներկայացված սուբվենցիոն հայտերի մասով իրականացնել նախապատրաստական աշխատանքներ.
Վարչական ղեկավարներին`
- Ժամանակին ներկայացնել տեղեկատվություն հանձնարարականների կատարման վերաբերյալ. - Ներկայացնել բնակավայրերում ընթացող ծրագրերի վերաբերյալ տեղեկատվություն: |