Խորհրդակցության սկզբում անդրադարձ կատարվեց նախորդ խորհրդակցության ընթացքում տրված հանձնարարականների կատարմանը, որին հաջորդեցին հանձնարարականները:
Հանձնարարվեց`
Ա. Ղուկասյանին`
- Սևան համայնքում անցկացվող ԵՄ Կայուն էներգիայի շաբաթվա միջոցառումների անցկացման վերաբերյալ ներկայացնել ժամանակացույց, հետևել միջոցառումների կատարմանը և լուսաբանել դրանք.
- Հետևել փաստաթղթաշրջանառությանը.
- Բնակավայրերից հավաքագրել 2026 թվականի սուբվենցիոն հայտերի համար ներկայացված առաջարկները, առաջնահերթությունները և նախապատրաստել հանրային լսման.
Պ. Պետրոսյանին`
- Համագործակցելով քաղաքաշինության և հողաշինության բաժնի հետ՝ շարունակել իրականացնել վարչարարություն այն ֆիզիկական և իրավաբանական անձանց նկատմամբ, որոնք գործունեության խախտումները էկոծառայության կողմից արձանագրվել է և ներկայացվել համայնքապետարան, միաժամանակ աշխատանքային խմբի հետ կատարել տեղազննումներ՝ համապատասխան վարչական վարույթներ իրականացնելու համար.
Մ. Ռաֆայելյանին`
- Ներկայացնել տեղեկատվություն բյուջեի ընթացիկ եկամուտների վերաբերյալ.
- Աշխատանքներ իրականացնել հարկերի հավաքագրման գործընթացը համակարգված դարձնելու նպատակով.
Ն. Հարությունյանին`
- Համագործակցել ՀՈԱԿ-ների տնօրենների հետ՝ կազմակերպելով մայիս ամսվա համար նախատեսված միջոցառումները.
- ՆՈՒՀ-երում իրականացնել մշտադիտարկում սննդի որակի, սաների հաճախումների, պարապմունքների անցկացման ուղղությամբ.
- Հետևել արտադպրոցական հաստատություններում տարեվերջյան աշխատանքների կազմակերպմանը, կայուն էներգիայի շաբաթվա միջոցառումների անցկացմանը.
- Երաժշտական դպրոցի նոր մասնաշենքի բացման հանդիսավոր արարողակարգը կազմակերպելու համար իրականացնել նախապատրաստական աշխատանքներ՝ համագործակցելով «Վ. Սարգսյանի անվան երաժշտական դպրոց» ՀՈԱԿ-ի տնօրինության հետ.
Ռ. Մանուկյանին`
- Համագործացել բնակավայրերի վարչական ղեկավարների հետ և ներկայացնել բնակավայրերում իրականացված գյուղատնտեսական աշխատանքների ընթացքը.
- Ներկայացնել տեղեկատվություն պետական գյուղատնտեսական ծրագրերից օգտվող բնակիչների վերաբերյալ ըստ բնակավայրերի.
Մ. Մկրտչյանին`
- Կատարել շրջայց և ներկայացնել տեղեկատվություն համայնքում իրականացվող ճանապարհաշինական ծրագրերի ընթացքի վերաբերյալ. - 2025-ից 2026 թվականների համար նախատեսված մանկապարտեզների շենքերի հիմնանորոգման և մանկապարտեզի շենքի կառուցման համար ներկայացնել նախահաշիվներ.
- Իրականացնել մշտադիտարկում համայնքում պետական և այլ գերատեսչությունների կողմից իրականացվող ծրագրերի շինաշխատանքների նկատմամբ.
- Հետևել համայնքի վարչական տարածքում ինքնակամ կատարված աշխատանքներին, իրականացնել համապատասխան գործողություններ.
Ս. Համբարձումյանին՝
- Մայիսի 14-ին Սևան համայնքում բնակվող արցախցիների հետ հանդիպման նպատակով իրականացնել նախապատրաստական աշխատանքներ պայմանավորվածություն ձեռք բերել համապատասխան կառույցների ներկայացուցիչների հետ.
Դ. Թորոսյանին՝
- Ներկայացնել բնապահպանական ծրագիր, որն իրականացվելու է 2025 թվականին ՀՀ շրջակա միջավայրի կողմից տրամադրված բնապահպանական մասհանումների շրջանակում.
Ա. Ավետիսյանին՝
- 2025 թվականի համար հաստատված սուբվենցիոն ծրագրերի մասով նախապատրաստել մրցույթների անցկացումը և ներկայացնել տեղեկատվություն.
Վարչական ղեկավարներին`
- Ներկայացնել տեղեկատվություն՝ բնակավայրում բնակություն հաստատած արցախցիներից քանիսն ունեն աշխատանք, ինչպես նաև ինչպես են գտել աշխատանք.
- Ներկայացնել բնակավայրերում առկա առաջանահերթություն ներկայացնող խնդիրները 2026 թվականի համայնքում իրականացվող սուբվենցիոն հայտերի կազմման համար: |