Խորհրդակցության սկզբում անդրադարձ կատարվեց նախորդ խորհրդակցության ընթացքում տրված հանձնարարականների կատարմանը, որին հաջորդեցին հանձնարարականները:

Հանձնարարվեց`

Ա. Ղուկասյանին`

- Համագործակցել նախադպրոցական և արտադպրոցական հաստատությունների տնօրենների հետ Մեդիագրագիտության շաբաթվա անցկացման համար, լուսաբանել իրականացվող միջոցառումները և նախաձեռնությունները.
- Նախապատրաստել Սևան համայնքի ավագանու նոյեմբերի 18-ին տեղի ունեցող նիստի օրակարգը.
- Իրականացնել իրազեկման աշխատանքներ թափոնների տեսակավորման նոր համակարգի ներդրման վերաբերյալ.
- Իրականացնել մասնակցային բյուջետավորման իրազեկման աշխատանքների լուսաբանում.
- Հետևել փաստաթղթաշրջանառությանը.  Կազմակերպել համայնքի 2026 թվականի բյուջեի հանրային լսման աշխատանքները.

Մ. Մկրտչյանին`

- Կազմակերպել ճանապարհաշինարարական սուբվենցիոն ծրագրերի ավարտից հետո գծանշման գործընթացի կազմակերպումը.
- Ներկայացնել 2026 թվականի համար նախատեսված սուբվենցիոն ծրագրերի մասով նախագծա-նախահաշվային փաստաթղթերի վերաբերյալ տեղեկատվություն.
- Համագործակցել բնակավայրերի վարչական ղեկավարների հետ և ներկայացնել բնակավայրերի՝ առաջնահերթություն ներկայացնող խնդիրները, դրանք միավորել սուբվենցիոն ծրագրերի հայտերի ներկայացման համար.

Ն. Հարությունյանին`

- Ներկայացնել տեղեկատվություն ՀՈԱԿ-ների ընթացիկ աշխատանքների, կազմակերպվող միջոցառումների վերաբերյալ.
- ՆՈՒՀ-երի տնօրենների հետ քննարված մանկապարտեզներում 2026 թվականից ուժի մեջ մտնող նոր սննդակարգի հետ կապված խնդիրների վերաբերյալ ներկայացնել զեկուցագիր և առաջարկներ.
- Պարբերաբար այցելել նախադպրոցական և արտադպրոցական հաստատություններ, հետևել ջերմային ռեժիմին, հակահամաճարակային միջոցառումների իրականացմանը, երեխաների հաճախելիությանը, սննդի որակին.

Ռ. Մանուկյանին`

- Համագործակցել վարչական ղեկավարների հետ և ներկայացնել տեղեկատվություն բնակավայրերում պետական և համայնքային նշանակության վարելահողերի չօգտագործման վերաբերյալ.
- Կազմակերպել բնակավայրերում մկնասպան թունանյութի բաժանման գործընթացը.
- Ներկայացնել տեղեկատվություն աշնանացան ցորենի և գարու բերքատվության վերաբերյալ.
- Անասնաբուժների հետ քննարկել բնակավայրերում հակահամաճարակային իրավիճակը, առկա խնդիրները.

Պ. Պետրոսյանին`

- Ներկայացնել տեղեկատվություն «Սևան ազգային պարկ» ՊՈԱԿ-ի տարածքում գտնվող ինքնակամ կառույցներ ունեցող տնտեսվարողների վերաբերյալ, ինչպես նաև ձեռնարկված միջոցառումների վերաբերյալ հաշվետվություն.

Մ. Ռաֆայելյանին՝

- Իրականացնել նախապատրաստական աշխատանքներ Սևան համայնքի 2026 թվականի բյուջեի նախագծի վերաբերյալ.
- Ներկայացնել տեղեկատվություն խոշոր պարտքեր ունեցող հարկատուների վերաբերյալ, միաժամանակ ուղարկել ծանուցագրեր.
- Ներկայացնել տեղեկատվություն 2025 թվականի ընթացքում համայնքի բյուջեի միջոցներով կատարված կապիտալ ծրագրերի վերաբերյալ.

Դ. Թորոսյանին՝

- Ամփոփել 2026 թվականի համար ներկայացվող սուբվենցիոն հայտերը, միավորել նույն բնույթի առաջնահերթությունները.
- Ներկայացնել տեղեկատվություն համայնքում իրականացված էներգախնայողության և էներգաարդյունավետության ծրագրերի վերաբերյալ.

Վարչական ղեկավարներին`

- Բնակավայրում կազմակերպել մասնակցային բյուջետավորման իրազեկման փուլը.
- Ապահովել վարչական ղեկավարների շենքերի դրոշները՝ գիշերային լուսարձակներով.
- Ներկայացնել տեղեկատվություն բնակավայրերի հակահամաճարակային իրավիճակի վերաբերյալ՝ անասունների հիվանդությունների մասով՝ համագործակցելով անասնաբույժների հետ.
- Տրամադրել տեղեկատվություն բնակավայրի վարչական սահմաններում գտնվող պետական և համայնքային սեփականություն հանդիսացող օգտագործման և վարձակալության չտրամադրված (չմշակվող) գյուղատնտեսական նշանակության վարելահողերի վերաբերյալ.
- Դիտարկել «Դուստր Մարիաննա» ՍՊԸ-ի կողմից բնակավայրերում կաթի մթերման կետի հիմնումը.
- Ակտիվացնել և նպատակային օգտագործել բնակավայրերին տրամադրված POS տերմինալները.