Խորհրդակցության սկզբում մասնակիցները ներկայացրին նախորդ խորհրդակցության ընթացքում տրված հանձնարարականների կատարման վերաբերյալ տեղեկատվություն, որին հաջորդեցին առաջիկա երկու շաբաթվա ընթացքում կատարվելիք աշխատանքների վերաբերյալ հանձնարարականները

Հանձնարարվեց`

Ա. Ղուկասյանին`

- Սևանի համայնքապետարանի ներքին կանոնակարգն ուղարկել բնակավայրեր, իրազեկել աշխատակիցներին.
- Հետևել փաստաթղթաշրջանառությանը.
- Լուսաբանել համայնքում տեղի ունեցող մշակութային իրադարձությունները, սուբվենցիոն ծրագրերի ընթացքը.
- Նախապատրաստել համայնքի գործունեության հոկտեմբեր ամսվա հաշվետվությունը և ուղարկել ՀՀ Գեղարքունիքի մարզպետի աշխատակազմ.
- Նախապատրաստել կարգադրություն համայնքապետարանի և ՀՈԱԿ-ների ամենամյա գույքագրման աշխատանքների իրականացման համար.

Մ. Ռաֆայելյանին`

- Առաջիկա ավագանու նիստի քննարկմանը ներկայացնելու համար նախապատրաստել 2025 թվականի տեղական տուրքերի և վճարների, ծառայությունների մատուցման վճարների որոշման նախագծերը.
- Իրականացնել նախապատրաստական աշխատանքներ 2025թվականի բյուջեի կազմման ուղղությամբ:
- Շարունակել աշխատանքները խոշոր պարտք ունեցող ֆիզիկական և իրավաբանական անձանց իրազեկման ուղղությամբ, կազմակերպել նրանց կողմից պարտքերի վճարման գործընթացը.
- Ներկայացնել տեղեկատվություն 2024 թվականին իրականացված կապիտալ և սուբվենցիոն ծրագրերի վճարումների վերաբերյալ.

Դ. Թորոսյանին`

- Նախապատրաստել 2025 թվականի համար ներկայացվող սուբվենցիոն ծրագրերի հայտերի փաթեթները՝ համագործակցելով մյուս բաժինների հետ.
- Հետևել համայնքում իրականացվող ծրագրերի ընթացքին, համագործակցել տեղական և միջազգային կազմակերպությունների հետ, ներկայացնել համայնքի զարգացմանը միտված և համայնքապահպան նշանակության ծրագրեր.
- Համայնքում իրականացվող էներգախնայողության ծրագրի մեկնարկի համար ներկայացնել անհրաժեշտ տեղեկատվություն դոնոր կազմակերպություններին.

Ն. Հարությունյանին`

- Վերահսկել համայնքի ՆՈՒՀ-երում տեղի ունեցող թափուր պաշտոնների համար հայտարարված մրցույթների ընթացքը.
- Խնամակալության և հոգաբարձության հանձնաժողովի աշխատանքները կազմակերպելիս հետևել հանձնաժողովի անդամների՝ դատական նիստերին մասնակցությունը.
- Գեղարքունիքի մարզպետի աշխատակազմի կողմից ՆՈՒՀ-երում կատարած ուսումնասիրության ընթացքում վերհանված թերությունների, արձանագրված բացթողումների ուղղությամբ կատարել համապատասխան աշխատանքներ՝ համագործակցելով ՆՈՒՀ-երի տնօրենների հետ, և 15-օրյա պարբերականությամբ ներկայացնել անհրաժեշտ տեղեկատվություն մարզպետի աշխատակազմ.
- Կազմակերել աշխատանքային խորհրդակցություններ համայնքի արտադպրոցական հաստատություններում.

Ռ. Մանուկյանին`

- Ներկայացնել տեղեկատվություն համայնքում գյուղատնտեսական մշակաբույսերի բերքահավաքի ընթացքի վերաբերյալ.

Պ. Պետրոսյանին`

- Շարունակել աշխատանքները համայնքի տարածքում ինքնակամ տեղադրված կառույցների սեփականատերերի հետ, ըստ անհրաժեշտության նախապատրաստել փաստաթղթեր վարչական վարույթ իրականացնելու համար.

Մ. Մկրտչյանին`

- Շարունակել մշտադիտարկման աշխատանքները համայնքի տարածքում պետական միջոցներով, սուբվենցիոն ծրագրերով իրականացվող ծրագրերի շինաշխատանքների նկատմամբ.
- Սևան համայնքի թիվ 1 «Բողբոջ» մսուր-մանկապարտեզի լիցենզավորման գործընթացը ավարտին հասցնելու համար կազմակերպել շենքի չափագրման աշխատանքները և նոր վկայականի ձեռքբերման գործընթացը.
- Լճաշեն բնակավայրում գտնվող խորքային հորը Հայաստանի Հանրապետությանը նվիրաբերելու համար փաստաթղթերի փաթեթը ներկայացնել կադաստրի կոմիտե.
- Նախապատրաստել 2025 թվականի համար ներկայացվող սուբվենցիոն ծրագրերի նախագծա-նախահաշվային փաստաթղթերը և տեխնիկական բնութագրերը.
- Ներկայացնել տեղեկատվություն ՀՀ-ին նվիրաբերվող բուժամբուլատորիաների նվիրաբերման գործընթացի վերաբերյալ.
- Քարտեզագրել համայնքի տարածքում առկա ցայտաղբյուրները, դրանց վրա փականների առկայությունը և միջոցներ ձեռնարկել փականներ տեղադրելու ուղղությամբ.
- Ներկայացնել տեղեկատվություն 2022 - 2024 թվականներին համայնքում իրականացված սուբվենցիոն ծրագրերի ավարտական փաստաթղթերի վերաբերյալ՝ դրանք մարզպետի աշխատակազմ ներկայացնելու վերաբերյալ.

Վարչական ղեկավարներին`

- Ներկայացնել տեղեկատվություն բնակավայրերում իրականացվող ծրագրերի և առաջնահերթությունների վերաբերյալ: