Խորհրդակցության սկզբում մասնակիցները ներկայացրին նախորդ խորհրդակցության ընթացքում տրված հանձնարարականների կատարման վերաբերյալ տեղեկատվություն, որին հաջորդեցին առաջիկա երկու շաբաթվա ընթացքում կատարվելիք աշխատանքների վերաբերյալ հանձնարարականները 

Հանձնարարվեց`

Ա. Ղուկասյանին`

- Նախապատրաստել համայնքի գործունեության կիսամյակային հաշվետվությունները և, ըստ անհրաժեշտության հրապարակել.
- Լուսաբանել ՆՈՒՀ-երի ավարտական հանդեսները.
- ՀՀ ՏԿԵ նախարարության կողմից ս/թ հունիսի 12-ին համայնքապետարանում անցկացված ստուգման արդյունքները ընդունել ի գիտություն և 10-օրյա ժամկետում ներկայացնել արձանագրված խնդիրների և թերությունների վերացման վերաբերյալ իրականացված աշխատանքները.
 Հետևել կադրային գործի վարմանը.

է. Ղազարյանին`

- Նախապատրաստել Սևան համայնքի 2024թվականի բյուջեի 1-ին կիսամյակի հաշվետվությունը.
- Համագործակցել «Սևան համայնքի կոմունալ սպասարկում և բարեկարգում» ՀՈԿԱ-ի հետ աղբահանության ծառայությունների դիմաց հավաքագրվող գումարների ճշտման համար, ներկայացնել տեղեկատվություն կնքված պայմանագրերի թվային տվյալների վերաբերյալ.

Ն. Հարությունյան`

- Ներկայացնել տեղեկատվություն համայնքի ՆՈՒՀ-երում կազմակերպվող հանդիսությունների, ամռան շրջանի անցման միջոցառումների վերաբերյալ.
- Հետևել խնամակալության և հոգաբարձության հանձնաժողովի աշխատանքների բնականոն ընթացքին, ապահովել դատական նիստերի մասնակցությունը.

Ա. Հարությունյանին`

- Շարունակել համագործակցությունը տեղական և միջազգային կազմակերպությունների հետ ԼՂ-ից բռնի տեղահանված և Սևան համայնքում բնակվող արցախցիների հումանիտար աջակցությունը կազմակերպման նպատակով.

Զ. Հարությունյանին`

- Հետևել քաղաքի կոյուղու կոլեկտորի մաքրման աշխատանքներին, պարբերաբար ներկայացնել տեղեկատվություն աշխատանքների ընթացքի վերաբերյալ.
- Բնակֆոնդի պահպանմանն ուղղված խնդիրների վերաբերյալ ներկայացնել առաջարկություններ, համայնքապետարան հասցեագրված դիմումների առնչությամբ իրականացնել այցեր, համագործակցել համատիրությունների նախագահների հետ.

Պ. Պետրոսյանին`

- Համագործակցել մարզպետի աշխատակազմի հետ հանրապետական ճանապարհների եզրերին բացօթյա առևտուր իրականացնողների հետ բանակցություններ վարելու համար.

Մ. Մկրտչյանին`

- Իրականացնել մշտադիտարկում համայնքի տարածքում պետական միջոցներով իրականացվող ծրագրերի շինաշխատանքների նկատմամբ.
 Համայնքի տարածքում ինքնակամ շինությունների, ապօրինի տեղադրված տաղավարների ուսումնասիրություն, ըստ անհրաժեշտության վարչական վարույթների հարուցում.

Վարչական ղեկավարներին`

- Ներկայացնել տեղեկատվություն բնակավայրերում ընթացող ծրագրերի, հիմնախնդիրների վերաբերյալ: