Խորհրդակցության սկզբում բաժինների պետերը, վարչական ղեկավարները, և բաժինների աշխատանքներ համակարգողները ներկայացրին տրված հանձնարարականների ուղղությամբ իրականացված աշխատանքները:
Աշխատանքների ներկայացումից հետո տրվեցին համապատասխան հանձնարարականներ

Հանձնարարվեց`

Ա. Հարությունյանին`

- Համակարգել ԼՂՀ-ից բռնի տեղահանված և Սևան համայնքում բնակություն հաստատած անձանց ընդունման աշխատանքները` ներգրավելով համայնքի ղեկավարի կարգադրությամբ ստեղծված հանձնաժողովի անդամների.
- Կազմակերպել հումանիտար աջակցության գործընթացը` համագործակցելով ՀՀ Գեղարքունիքի մարզպետի աշխատակազմի, բարեգործական կազմակերպությունների և հիմնադրամների հետ.

Ա. Ղուկասյանին`

- Ամենօրյա պարբերականությամբ ներկայացնել ԼՂՀ-ից բռնի տեղահանված անձանց հաշվառումը ըստ բնակավայրերի և կեցության վայրերի, ամենօրյա ամփոփը տրամադրել ՀՀ Գեղարքունիքի մարզպետի աշխատակազմ, իրավասու կառույցներին.
- Նախապատրաստել համայնքի ավագանու 4-րդ նստաշրջանի 2-րդ նիստի օրակարգային հարցերը.

Ա. Հովհաննիսյանին`

- Կատարել ԼՂՀ-ից տեղահանված անձանց կարիքների գնահատում` ներգրավելով սոցիալական աշխատողին.

Մ. Մկրտչյանին`

- Հետևել ընթացիկ տարում իրականացվող սուբվենցիոն ծրագրերի շինաշխատանքներին` համագործակցելով կապալառու կազմակերպությունների հետ.
- Շարունակել 2024թվականին իրականացվելիք սուբվենցիոն ծրագրերի նախագծանախահաշվային փաստաթղթերի ամբողջացման գործընթացի վերաբերյալ փաստաթղթերի հավաքագրումը.
- Ներկայացնել առաջարկություններ և դիտարկումներ համայնքի տարածական պլանավորման աշխատանքների վերաբերյալ.

Է. Ղազարյանին`

- Ամփոփել համայնքի 2023թ. 9 ամիսների կատարողականը և ներկայացնել համայնքի ավագանու առաջիկա նիստին.

Դ. Թորոսյանին`

- Համագործակցել ՀՀ Գեղարքունիքի մարզպետի աշխատակազմի հետ և ամենօրյա պարբերականությամբ ներկայացնել Սևան համայնքի վարչական տարածքում գտնվող հյուրանոցներում, հանգստի գոտիներում ԼՂՀ-ից տեղահանված անձանց բնակության վերաբերյալ տեղեկատվություն.

Վարչական ղեկավարներին`

- Ամենօրյա պարբերականությամբ հաշվառել և Սևանի համայնքապետարանի աշխատակազմ ներկայացնել բնակավայրերում բնակվող տեղահանված արցախցիների գրանցամատյանները, կատարել կարիքների գնահատում և ներկայացնել առկա խնդիրները.
- Հետևել բնակավայրերում իրականացվող սուբվենցիոն ծրագրերի ընթացքին, գույքագրել առկա խնդիրները: