Խորհրդակցության սկզբում անդրադարձ կատարվեց նախորդ խորհրդակցության ընթացքում տրված հանձնարարականների կատարմանը, որին հաջորդեցին հանձնարարականները:

Հանձնարարվեց`

Ա. Ղուկասյանին`

- Ներկայացնել տեղեկատվություն Սևան համայնքում անցկացվող ԵՄ Կայուն էներգիայի շաբաթվա միջոցառումների վերաբերյալ.
- Նախապատրաստել համայնքի ավագանու 7-րդ նստաշրջանի վերջին նիստի օրակարգային հարցերը.
- 2025 թվականի համար հաստատված սուբվենցիոն ծրագրերի վերաբերյալ ներկայացնել իրազեկում.
- Համագործակցել «Վ. Սարգսյանի անվան երաժշտական դպրոց» ՀՈԱԿ-ի տնօրինության հետ և նախապատրաստել երաժշտական դպրոցի նոր շենքի բացման արարողության հետ կապված կազմակերպչական և տեխնիկական հարցերի փաթեթը.
- Համագործակցել բնակավայրերի վարչական ղեկավարների հետ և ամբողջացնել 4 բնակավայրի համար ջրօգտագործման թույլտվությունների փաթեթը.

Պ. Պետրոսյանին`

- Համագործակցելով քաղաքաշինության և հողաշինության բաժնի հետ՝ շարունակել իրականացնել վարչարարություն այն ֆիզիկական և իրավաբանական անձանց նկատմամբ, որոնք գործունեության խախտումները էկոծառայության կողմից արձանագրվել է և ներկայացվել համայնքապետարան, միաժամանակ աշխատանքային խմբի հետ կատարել տեղազննումներ՝ համապատասխան վարչական վարույթներ իրականացնելու համար.

Մ. Ռաֆայելյանին`

- Համայնքի ավագանու առաջիկա նիստում ներկայացնել բյուջեում փոփոխություններ կատարելու վերաբերյալ որոշման նախագիծը.
- Աշխատանքներ իրականացնել համայնքի առաջին կիսամյակի բյուջեի եկամուտների հավաքագրման ուղղությամբ.

Ն. Հարությունյանին`

- ՆՈՒՀ-երում իրականացնել մշտադիտարկում սննդի որակի, սաների հաճախումների, պարապմունքների անցկացման, փաստաթղթաշրջանառության ուղղությամբ.
- Հետևել արտադպրոցական հաստատություններում տարեվերջյան աշխատանքների կազմակերպմանը, կայուն էներգիայի շաբաթվա միջոցառումների անցկացմանը.
- Երաժշտական դպրոցի նոր մասնաշենքի բացման հանդիսավոր արարողակարգը կազմակերպելու համար իրականացնել նախապատրաստական աշխատանքներ՝ համագործակցելով «Վ. Սարգսյանի անվան երաժշտական դպրոց» ՀՈԱԿ-ի տնօրինության հետ.

Ռ. Մանուկյանին`

- Համագործացել բնակավայրերի վարչական ղեկավարների հետ և ներկայացնել բնակավայրերում իրականացված գյուղատնտեսական աշխատանքների ընթացքը.
- Ներկայացնել տեղեկատվություն պետական գյուղատնտեսական ծրագրերից օգտվող բնակիչների վերաբերյալ ըստ բնակավայրերի.

Մ. Մկրտչյանին`

- Կատարել շրջայց և ներկայացնել տեղեկատվություն համայնքում իրականացվող ճանապարհաշինական ծրագրերի ընթացքի վերաբերյալ.
- Իրականացնել մշտադիտարկում համայնքում պետական և այլ գերատեսչությունների կողմից իրականացվող ծրագրերի շինաշխատանքների նկատմամբ.
- Ներկայացնել տեղեկատվություն համայնքում առկա ինքնակամ շինությունների վերաբերյալ.

Դ. Թորոսյանին՝

- Իրականացնել նախապատրաստական աշխատանքներ համայնքում հունիսի 4-ին հյուրընկալվող ֆրանսիական պատվիրակությանն ընդունելու համար.

Ա. Ավետիսյանին՝

- Շարունակել 2025 թվականի համար հաստատված սուբվենցիոն ծրագրերի մասով մրցույթների անցկացման գորշընթացը և ներկայացնել տեղեկատվություն.

Վարչական ղեկավարներին`

- Ներկայացնել բնակավայրերում առկա առաջանահերթություն ներկայացնող խնդիրները 2026 թվականի համայնքում իրականացվող սուբվենցիոն հայտերի կազմման համար: