Խորհրդակցության սկզբում մասնակիցները ներկայացրին նախորդ խորհրդակցության ընթացքում տրված հանձնարարականների կատարման վերաբերյալ տեղեկատվություն, որին հաջորդեցին առաջիկա երկու շաբաթվա ընթացքում կատարվելիք աշխատանքների վերաբերյալ հանձնարարականները

Հանձնարարվեց`

Ա. Ղուկասյանին`

- Համայնքի ավագանու նորմատիվ իրավական փաստաթղթերն ուղարկել փորձաքննության, հանրային լսման և պաշտոնական հրապարակման.
- Կազմակերպել համայնքում կազմակերպվող հանրային լսումների նախապատրաստական աշխատանքները.
- Լուսաբանել համայնքում տեղի ունեցող մշակութային իրադարձությունները, սուբվենցիոն ծրագրերի ընթացքը.

Մ. Ռաֆայելյանին`

- Նախապատրաստել և ավագանու նիստին ներկայացնել համայնքի 2024 թվականի բյուջեի 9-ամսվա կատարողականի վերաբերյալ հաղորդագրություն.
- Իրականացնել նախապատրաստական աշխատանքներ 2025թվականի բյուջեի կազմման ուղղությամբ:
- Պայմանավորված 2024թվականին իրականացվող ծրագրերով՝ իրականացնել ընթացիկ տարվա բյուջեում փոփոխությունների և ներկայացնել համայնքի ավագանու նիստին.
- Շարունակել աշխատանքները խոշոր պարտք ունեցող ֆիզիկական և իրավաբանական անձանց իրազեկման ուղղությամբ, կազմակերպել նրանց կողմից պարտքերի վճարման գործընթացը.

Դ. Թորոսյանին`

- Նախապատրաստել 2025 թվականի համար ներկայացվող սուբվենցիոն ծրագրերի հայտերի փաթեթները՝ համագործակցելով մյուս բաժինների հետ.
- Հետևել համայնքում իրականացվող ծրագրերի ընթացքին, համագործակցել տեղական և միջազգային կազմակերպությունների հետ, ներկայացնել համայնքի զարգացմանը միտված և համայնքապահպան նշանակության ծրագրեր.

Ն. Հարությունյանին`

- Համագործակցել արտադպրոցական հաստատությունների տնօրենների հետ, ներկայացնել իրականացվող աշխատանքները և առկա խնդիրները.
-Խնամակալության և հոգաբարձության հանձնաժողովի աշխատանքների վերակազմակերպում, խստորեն հետևել դատական նիստերի մասնակցությանը.
- Գեղարքունիքի մարզպետի աշխատակազմի կողմից ՆՈՒՀ-երում կատարած ուսումնասիրության ընթացքում վերհանված թերությունների, արձանագրված բացթողումների ուղղությամբ կատարել համապատասխան աշխատանքներ՝ համագործակցելով ՆՈՒՀ-երի տնօրենների հետ.
- Հետևել ՆՈՒՀ-երում կազմակերպվող թափուր հաստիքների համալրման համար հայտարարվող մրցույթների ժամկետներին, հայտարարությունների տրմանը.

Ռ. Մանուկյանին`

- Համագործակցել վարչական ղեկավարների հետ և ըստ բնակավայրերի կազմել արոտավայրերի կառավարման պլանները.
- Քարտեզագրել բնակավայրերի գյուղատնտեսական ոլորտին առնչվող հիմնախնդիրները և ներկայացնել առաջարկություն.

Պ. Պետրոսյանին`

- Շարունակել աշխատանքները համայնքի տարածքում ինքնակամ տեղադրված կառույցների սեփականատերերի հետ, ըստ անհրաժեշտության նախապատրաստել փաստաթղթեր վարչական վարույթ իրականացնելու համար.

Մ. Մկրտչյանին`

- Շարունակել մշտադիտարկման աշխատանքները համայնքի տարածքում պետական միջոցներով, սուբվենցիոն ծրագրերով իրականացվող ծրագրերի շինաշխատանքների նկատմամբ.
- Սևան համայնքի թիվ 1 «Բողբոջ» մսուր-մանկապարտեզի լիցենզավորման գործընթացը ավարտին հասցնելու համար կազմակերպել շենքի չափագրման աշխատանքները և նոր վկայականի ձեռքբերման գործընթացը.
- Լճաշեն բնակավայրում գտնվող խորքային հորը Հայաստանի Հանրապետությանը նվիրաբերելու համար փաստաթղթերի փաթեթը ներկայացնել կադաստրի կոմիտե.
- Նախապատրաստել 2025 թվականի համար ներկայացվող սուբվենցիոն ծրագրերի նախագծա-նախահաշվային փաստաթղթերը և տեխնիկական բնութագրերը.

Վարչական ղեկավարներին`

- Ներկայացնել տեղեկատվություն բնակավայրերում իրականացվող ծրագրերի և առաջնահերթությունների վերաբերյալ: