Խորհրդակցության սկզբում անդրադարձ կատարվեց նախորդ խորհրդակցության ընթացքում տրված հանձնարարականների կատարմանը, որին հաջորդեցին հանձնարարականները:

Հանձնարարվեց`

Ա. Ղուկասյանին`

- «Թափոնների տեսակավորումը սկզբնաղբյուրում» ծրագրի շրջանակներում համագործակցել ծրագրի դերակատարների հետ, նախապատրաստվել հուլիսի 26-ին տեղի ունեցող բացման արարողությանը, ներկայացնել տեղեկատվություն իրականացված աշխատանքների վերաբերյալ.
- Համայնքի կողմից սպասրակվող բնակավայրերում ջրօգտագործման թույլտվություններ ձեռք բերելու նպատակով համագործակցել բնակավայրերի վարչական ղեկավարների հետ, նախապատրաստել անհրաժեշտ փաստաթղթերի փաթեթը.
- Լուսաբանել համայնքում իրականացվող սուբվենցիոն և ընթացիկ աշխատանքները.
- Կազմակերպել համայնքային ծառայողների վերապատրաստման դասընթացների տեխնիկական աշխատանքները.

Ն. Հարությունյանին`

- Կազմակերպել իրազեկման աշխատանքներ և ապահովել Սևանում գործող ՀՈԱԿ-ների ներկայացուցիչների մասնակցությունը հուլիսի 26-ին կազմակերպվող տեսակավորման համակարգի մեկնարկի միջոցառմանը.
- Ներկայացնել տեղեկատվություն համայնքի ՆՈՒՀ-երում կազմակերպված հրաժեշտի հանդեսների, ինչպես նաև ՆՈՒՀ-են ավարտող սաների թվաքանակի վերաբերյալ.
- Վերահսկել օգոստոսի 12-ին՝ Երիտասարդության միջազգային օրվան նվիրված միջոցառումների նախապատրաստական աշխատանքները.

Ռ. Մանուկյանին`

- Համագործացել բնակավայրերի վարչական ղեկավարների հետ և ներկայացնել բնակավայրերում իրականացված գյուղատնտեսական աշխատանքների ընթացքը.
- Ներկայացնել տեղեկատվություն պետական գյուղատնտեսական ծրագրերից օգտվող բնակիչների վերաբերյալ ըստ բնակավայրերի.
- Հետևել բնակավայրերի հակահամաճարակային իրավիճակին, ըստ անհրաժեշտության, ներկայացնել տեղեկատվություն առկա հիվանդությունների և անասունների անկման դեպքերի վերաբերյալ՝ համագործակցելով համապատասխան կառույցների հետ.

Մ. Մկրտչյանին`

- Իրականացնել մշտադիտարկում համայնքում պետական և այլ գերատեսչությունների կողմից իրականացվող ծրագրերի շինաշխատանքների նկատմամբ.
- Իրականացնել աշխատանքներ համայնքի վարչական սահմաններում գտնվող մայրուղիների հարակից տարածքներում ինքնակամ տեղադրված վահանակների ապամոնտաժման համար.
- Շարունակել հաշմանդամություն ունեցող անձանց տեղափոխող մեքենաների կայանման գծանշման աշխատանքներ և ներկայացնել հաշվետվություն կատարված աշխատանքների վերաբերյալ.
- Աշխատակիցների միջոցով կազմակերպել համայնքապետարան հասցեագրված դիմումներում բարձրացված հարցերի առնչությամբ շրջայցերը և ուսումնասիրությունները, ներկայացնել տեղեկատվություն.

Դ. Թորոսյանին՝

- «Թափոնների տեսակավորումը սկզբնաղբյուրում» ծրագրի շրջանակներում իրականացնել տեսակավորման թափոնամանների բաժանման գործընթացը.
- Ներկայացնել տեղեկատվություն ընթացիկ ծրագրերի վերաբերյալ.

Ա. Ավետիսյանին՝

- Շարունակել 2025 թվականի համար հաստատված սուբվենցիոն ծրագրերի մասով մրցույթների անցկացման, պայմանագրերի կնքման գործընթացը և ներկայացնել տեղեկատվություն.

Վարչական ղեկավարներին`

- Ներկայացնել տեղեկատվություն բնակավայրերում ընթացող շինարարական և այլ տիպի ծրագրերի, ընթացիկ աշխատանքների վերաբերյալ.
- Ներկայացնել տեղեկատվություն բնակավայրերում հակահամաճարակային իրավիճակի վերաբերյալ: