Խորհրդակցության սկզբում մասնակիցները ներկայացրին նախորդ խորհրդակցության ընթացքում տրված հանձնարարականների կատարման վերաբերյալ տեղեկատվություն, որին հաջորդեցին առաջիկա երկու շաբաթվա ընթացքում կատարվելիք աշխատանքների վերաբերյալ հանձնարարականները

Հանձնարարվեց`

Ա. Ղուկասյանին`

- Հետևել փաստաթղթաշրջանառությանը.
- Նախապատրաստել Սևան համայնքի ավագանու 6-րդ նստաշրջանի 2-րդ նիստը, հավաքագրել օրակարգային հարցերը.
- Լուսաբանել համայնքում տեղի ունեցող մշակութային իրադարձությունները, սուբվենցիոն ծրագրերի ընթացքը.
- Ներկայացնել համայնքի վերաբերյալ 3-րդ եռամսյակի հաշվետվությունը.

Մ. Ռաֆայելյանին`

- Նախապատրաստել և ավագանու նիստին ներկայացնել համայնքի 2024 թվականի բյուջեի 3-րդ եռամսյակի հաղորդագրությունը.
- Համագործակցել «Սևան համայնքի կոմունալ սպասարկում և բարեկարգում» ՀՈԱԿ-ի հետ աղբահանության պայմանագրերի կնքման գործընթացի և աղբահանության դիմաց գանձված վճարների վերաբերյալ ներկայացնել տեղեկատվություն.
- Շարունակել աշխատանքները խոշոր պարտք ունեցող ֆիզիկական և իրավաբանական անձանց իրազեկման ուղղությամբ, կազմակերպել նրանց կողմից պարտքերի վճարման գործընթացը.

Դ. Թորոսյանին`

- Նախապատրաստել 2025 թվականի համար ներկայացվող սուբվենցիոն ծրագրերի հայտերի փաթեթները՝ համագործակցելով մյուս բաժինների հետ.
- Իրականացնել կազմակերպչական և տեղեկատվական աշխատանքներ 2024 թվականի նոյեմբերին Ֆրանսիայում կայանալիք համաժողովին և հանդիպումներին Սևան համայնքի մասնակցությունը բարձր մակարդակով ապահովելու համար.

Ն. Հարությունյանին`

- Իրականացնել կազմակերպչական աշխատանքներ Ուսուցչի տոնի և Գրադարանավարի օրվա միջոցառումների անցկացման համար.
- Կատարել այցեր արտադպրոցական հաստատություններ, ներկայացնել տեղեկատվություն հաճախող երեխաների թվի, խմբերի վերաբերյալ.
- Խնամակալության և հոգաբարձության հանձնաժողովի աշխատանքների վերակազմակերպում, խստորեն հետևել դատական նիստերի մասնակցությանը.
- Գեղարքունիքի մարզպետի աշխատակազմի կողմից ՆՈՒՀ-երում կատարած ուսումնասիրության արդյունքների վերաբերյալ ներկայացնել տեղեկատվություն.

Ռ. Մանուկյանին`

- «Բուսաբուծության աջակցության ծրագիր հաստատելու մասին» N384-Լ որոշման 29-րդ կետի պահանջները կատարելու նպատակով ամփոփել մոնիտորինգի արդյունքները և ներկայացնել էկոնոմիկայի նախարարություն.
- Համագործակցել վարչական ղեկավարների հետ և ներկայացնել բնակավայրերում գյուղատնտեսական աշխատանքների առկա վիճակը.

Պ. Պետրոսյանին`

- Շարունակել աշխատանքները համայնքի տարածքում ինքնակամ տեղադրված կառույցների սեփականատերերի հետ, ըստ անհրաժեշտության նախապատրաստել փաստաթղթեր վարչական վարույթ իրականացնելու համար.
- Ներկայացնել տեղեկատվություն Սևան քաղաքի նախկին հանրակացարանային շենքերի սենյակների կարգավիճակի վերաբերյալ.

Մ. Մկրտչյանին`

- Շարունակել մշտադիտարկման աշխատանքները համայնքի տարածքում պետական միջոցներով, սուբվենցիոն ծրագրերով իրականացվող ծրագրերի շինաշխատանքների նկատմամբ.
- Կազմակերպել համայնքի վարչական տարածքով անցնող ավտոճանապարհներին ապօրինի տեղադրված գովազդային վահանակների ապամոնտաժման աշխատանքներն ավարտին հասցնելու գործընթացը.
- Վարսեր բնակավայրի տարածքում առկա ինքնակամ շինության հետագա կարգավիճակի մասին ներկայացնել տեղեկատվություն.
- Սևան համայնքի բնակավայրերի ամբուլատորիաների՝ Հայաստանի Հանրապետությանը նվիրաբերելու գործընթացը կազմակերպելու համար ներկայացնել տեղեկատվություն.

Վարչական ղեկավարներին`

- Ներկայացնել տեղեկատվություն բնակավայրերում ջրի որակի հետ կապված խնդիրների վերաբերյալ, ինչպես նաև ներկայացնել ջրի որակի բարելավման ուղղությամբ իրականացվող աշխատանքների ընթացքը: