Խորհրդակցության սկզբում համայնքի ղեկավարն անդրադարձ կատարեց նախորդ խորհրդակցության ընթացքում տրված հանձնարարականների կատարմանը, որին հաջորդեցին առաջիկա երկու շաբաթվա հանձնարարականները:

Հանձնարարվեց`

Ա. Ղուկասյանին`

- Իրականացնել կազմակերպչական աշխատանքներ Մեծ եղեռնի 110-րդ տարելիցին նվիրված միջոցառումների կազմակերպման համար, գրություններ առաքել համապատասխան կառույցներ.
- Ապրիլի 26-ին՝ Քաղաքացու օրվան նվիրված, համայնքում կազմակերպել միջոցառումներ, բնակիչներին իրազեկել միջոցառումների վերաբերյալ.
-Մայիսի 3-ին անցկացվող համապետական շաբաթօրյակին ընդառաջ իրականացնել իրազեկման աշխատանքներ, համագործակցել հաստատությունների և կազմակերպությունների հետ.
- Հետևել փաստաթղթաշրջանառությանը.
- Բնակավայրերից հավաքագրել 2026 թվականի սուբվենցիոն հայտերի համար ներկայացված առաջարկները, առաջնահերթությունները և նախապատրաստել հանրային լսման.

Պ. Պետրոսյանին`

- Համագործակցելով քաղաքաշինության և հողաշինության բաժնի հետ՝ շարունակել իրականացնել վարչարարություն այն ֆիզիկական և իրավաբանական անձանց նկատմամբ, որոնք գործունեության խախտումները էկոծառայության կողմից արձանագրվել է և ներկայացվել համայնքապետարան, միաժամանակ աշխատանքային խմբի հետ կատարել տեղազննումներ.

Մ. Ռաֆայելյանին`

- Խոշոր պարտք ունեցող հարկատուների ցուցակները թարմացնել, նախապատրաստել ծանուցումներ.

Ն. Հարությունյանին`

- Համագործակցել ՀՈԱԿ-ների տնօրենների հետ՝ կազմակերպելով ապրիլ ամսին նախատեսված միջոցառումները.
- Կազմակերպել նախապատրաստական աշխատանքներ համայնքում նախատեսված մարզական միջոցառումների, նախաձեռնությունների և մրցումների ուղղությամբ, ներկայացնել վոլեյբոլի և թենիսի առաջնությունների կանոնակարգերը՝ համագործակցելով «Ն. Դագարյանի անվան մանակապատանեկան մարզադպրոց» ՀՈԱԿ-ի տնօրինության հետ.

Ռ. Մանուկյանին`

- Համայնքում ծառատունկի կազմակերպման, ինչպես նաև արդեն իսկ իրականացված ծառատունկի վերաբերյալ ներկայացնել ամփոփ հաշվետվություն.
- Համագործացել բնակավայրերի վարչական ղեկավարների հետ և ներկայացնել բնակավայրերում իրականացված գյուղատնտեսական աշխատանքների ընթացքը.

Մ. Մկրտչյանին`

- Կատարել շրջայց և ներկայացնել տեղեկատվություն համայնքում իրականացվող ճանապարհաշինական ծրագրերի ընթացքի վերաբերյալ.
- Համայնքում միասնական երթուղային ցանցի կազմակերպման նպատակով իրականացնել լրացուցիչ ուսումնասիրություն.

Վարչական ղեկավարներին`

- Մայիսի3-ին նախատեսվող համապետական շաբաթօրյակին ընդառաջ իրականցնել նախապատրաստական աշխատանքներ, ներկայացնել մաքրման համար նախատեսված տեղամասերը, պահանջվող տեխնիկայի վերաբերյալ տեղեկատվություն.
- Ներկայացնել համայնքապատկան տարածքներում առկա շահագործումից դուրս եկած տրանսպորտային միջոցների թափքերի առկայության, ինչպես նաև դրանք հեռացման վերաբերյալ տեղեկատվություն.
- Ներկայացնել տեղեկատվություն բնակավայրում ընդերքօգտագործման նպատակով օգտագործվող հողերի վարձակալության պայմանագիր չկնքած կամ կնքված պայմանագրերի շրջանակներում իրենց պարտավորությունները խախտած ընդերքօգտագործողների վերաբերյալ: