Բնակավայրերի վարչական ղեկավարներ Խորհրդակցության սկզբում մասնակիցները ներկայացրին նախորդ խորհրդակցության ընթացքում տրված հանձնարարականների կատարման վերաբերյալ տեղեկատվություն, որին հաջորդեցին առաջիկա երկու շաբաթվա ընթացքում կատարվելիք աշխատանքների վերաբերյալ հանձնարարականները

Հանձնարարվեց`

Ա. Ղուկասյանին`

- Համագործակցելով ՀՈԱԿ-ների և ուսումնական հաստատությունների հետ՝ նախապատրաստել և անցկացնել ԵՄ կայուն էներգիայի շաբաթվա միջոցառումները, լավագույններին ներկայացնել խրախուսման, լուսաբանել իրականացվող աշխատանքները.
- Հետևել համայնքային ծառայողների առցանց վերապատրաստման դասընթացների ընթացքին.
- Նախապատրաստել ՀՖՖ-ի կողմից ֆուտբոլի մարզադաշտի՝ համայնքին հանձնելու փաստաթղթերը և ներկայացնել ստորագրման.
- Իրականացնել նախապատրաստական աշխատանքներ համայնքի ավագանու անդամների առցանց դասընթացի կազմակերպման համար.

է. Ղազարյանին`

- Համագործակցել «Սևան համայնքի կոմունալ սպասարկում և բարեկարգում» ՀՈԱԿ-ի հետ՝ կազմակերպելով տնտեսվարող սուբյեկտների հետ պայմանագրերի կնքման գործընթացը.

Ա. Հովհաննիսյանին`

- Աջակցել համայնքային մշակութային կենտրոնին արտադպրոցական ծրագրերը պատրաստելու համար.
- Ներկայացնել տեղեկատվություն համայնքում Շարլ Ազնավուրի 100-ամյակին նվիրված և տեղի ունեցած միջոցառումների վերաբերյալ.
- Հետևել խնամակալության և հոգաբարձության հանձնաժողովի աշխատանքների բնականոն ընթացքին, ապահովել դատական նիստերի մասնակցությունը.

Ա. Հարությունյանին`

- Շարունակել համագործակցությունը տեղական և միջազգային կազմակերպությունների հետ ԼՂ-ից բռնի տեղահանված և Սևան համայնքում բնակվող արցախցիների հումանիտար աջակցությունը կազմակերպման նպատակով.
- Ճամփեզրյա առևտրի կետերում բացօթյա առևտուր կազմակերպելու նպատակով իրականացնել համապատասխան աշխատանքներ համագործակցելով վարչական ղեկավարների հետ

Զ. Հարությունյանին`

- Շարունակել համագործակցությունը բնակավայրերի վարչական ղեկավարների հետ, ներկայացնել տեղեկատվություն գարնան գյուղատնտեսական աշխատանքների վերաբերյալ ըստ բնակավայրերի.
- Ներկայացնել տեղեկատվություն բնակավայրերում առկա ջրարբիացման համակարգերի չափագրման աշխատանքների վերաբերյալ.
- Ներկայացնել տեղեկատվություն Սևան քաղաքի Նալբանդյան փողոցի կոյուղատարի հիմնանորոգմանը նախորդող համայնքի կողմից դիտահորերի վերանորոգման աշխատանքների վերաբերյալ.

Մ. Մկրտչյանին`

- Իրականացնել մշտադիտարկում համայնքի տարածքում պետական միջոցներով իրականացվող ծրագրերի շինաշխատանքների նկատմամբ.
- Համագործակցել «Սևան համայնքի կոմունալ սպասարկում և բարեկարգում» ՀՈԱԿ-ի հետ, ընկերությանը տրամադրել համայնքում պետական և այլ կազմակերպությունների միջոցով իրականացվող կապիտալ շինարարությունների վերաբերյալ տեղեկատվություն աղբահեռացման ծառայությունների մատուցման պայմանագրերի կնքման համար.
- Հետևել Սևան համայնքի տարածքում գտնվող մայրուղիների հարակից հատվածներում առկա ֆիզիկական կամ իրավաբանական անձանց կողմից իրականացված շինարարական աշխատանքներին, հողային շերտի տեղափոխմանը.
- Նախապատրաստել և քաղաքաշինության տեսչական մարմին ներկայացնել ՊՎԾ-ի կողմից կատարված ուսումնասիրության արդյունքների հիման վրա արձանագրված խախտումների վերաբերյալ համապատասխան փաստաթղթերը:

Վարչական ղեկավարներին`

- Ներկայացնել տեղեկատվություն բնակավայրերում իրականացվող գարնանացան աշխատանքների վերաբերյալ.
- Մասնակցել բնակավայրերում հանրակրթական ուսումնական հաստատություններում մայիսի 24-ին տեղի ունեցող Վերջին զանգ հանդիսությանը: