Խորհրդակցության սկզբում մասնակիցները ներկայացրին նախորդ խորհրդակցության ընթացքում տրված հանձնարարականների կատարման վերաբերյալ տեղեկատվություն, որին հաջորդեցին առաջիկայում կատարվելիք աշխատանքների վերաբերյալ հանձնարարականները

Հանձնարարվեց`

Ա. Ղուկասյանին`

- ՀՀ Գեղարքունիքի մարզպետի աշխատակազմ ներկայացնել 2025 թվական տեղափոխված 2022-2024 թվականներին հաստատված սուբվենցիոն հայտերի վերաբերյալ տեղեկատվություն.
- Հետևել Սևան համայնքի բնակավայրերում ամենամյա գույքագրման գործընթացի կազմակերպմանը և փաստաթղթերի կազմմանը.
- Համայնքի բնակավայրեր առաքել համայնքի ավագանու որոշումները.
- Համագործակցելով արտադպրոցական հաստատությունների հետ կազմակերպել քաղաքի գլխավոր տոնածառի լույսերի վառման արարողակարգը և տոնական միջոցառումը.
- Համայնքի 2025 թվականի բյուջեի որոշումը՝ կից փաստաթղթերով, ուղարկել ՀՀ Գեղարքունիքի մարզպետի աշխատակազմ.

Մ. Ռաֆայելյանին`

- Շարունակել աշխատանքները խոշոր պարտք ունեցող ֆիզիկական և իրավաբանական անձանց իրազեկման ուղղությամբ, կազմակերպել նրանց կողմից պարտքերի վճարման գործընթացը.
- Ներկայացնել առաջարկներ «Տեղական տուրքերի և վճարների մասին» օրենքի կիրարկման, ինչպես նաև առկա խնդիրների լուծման վերաբերյալ.
- Ներկայացնել տեղեկատվություն կրթական և առողջապահական հաստատությունների աշխատակիցների գույքահարկի գծով պարտավորությունների վերաբերյալ.

Ն. Հարությունյանին`

- Մասնակցել ՆՈՒՀ-երի՝ 2025 թվականի համար կազմակերպվող սննդի ձեռք բերման մրցույթներին՝ համագործակցելով ՆՈՒՀ-երի տնօրենների հետ.
- Վերահսկել ՆՈՒՀ-երում և արտադպրոցական հաստատություններում կազմակերպվող տարեմուտի հանդեսները և ցուցահանդեսները, ներկայացնել տեղեկատվություն իրականացված աշխատանքների վերաբերյալ.

Ռ. Մանուկյանին՝

- Համագործակցել բնակավայրերի վարչական ղեկավարների հետ և իրազեկել բնակչությանը պետության կողմից գյուղոլորտում իրականացվող ծրագրերի վերաբերյալ.
- Մասնակցել 2024 թվականի նոյեմբերի 15-ից մինչև 2025 թվականի հունվարի 20-ը սիգի ձվադրման ժամանակահատվածում Սևան համայնքում նախատեսված իրականացվող միջոցառումներին, պարբերաբար ներկայացնել տեղեկատվություն իրականացված աշխատանքների վերաբերյալ.
- Կազմակերպել հանդիպում համայնքի անասնաբույժների հետ քննարկել ոլորտային խնդիրները և ներկայացնել առաջարկություններ ոլորտային աշխատանքների բարելավման ուղղությամբ.

Մ. Մկրտչյանին`

- Ներկայացնել տեղեկատվություն համայնքի տարածքում գործող հանքավայրերի և դրանց հատկացված հողի նպատակային նշանակությունների վերաբերյալ.
- Ներկայացնել 2024թվականին սուբվենցիոն ծրագրերով իրականացված շինարարական աշխատանքների վերաբերյալ ամփոփ տեղեկատվություն.
- Ներկայացնել տեղեկատվություն բնակավայրերում քաղաքացիների կողմից իրենց պատկանող հողամասերում ինքնակամ կառուցված գյուղատնտեսական արտադրական շինություններ և անասնագոմերի վերաբերյալ, որոնք սահմանված ժամկետում չեն հաշվառվել.

Դ. Թորոսյանին`

- Ներկայացնել տեղեկատվություն Սևան համայնքի ենթակայությամբ գործող կազմակերպություններում արևային համակարգերի և ջրատաքացուցիչների տեղադրման վերաբերյալ.
- Ներկայացնել տեղեկատվություն 2024 թվականին համայնքում իրականացված ծրագրերին, այդ թվում՝ միջազգային, տեղական և բարեգործական կազմակերպությունների կողմից.

Վարչական ղեկավարներին`

- Ներկայացնել տեղեկատվություն բնակավայրերում իրականացվող ծրագրերի, հիմնախնդիրների վերաբերյալ՝ համագործակցելով համայնքապետարանի աշխատակազմի համապատասխան բաժինների և մասնագետների հետ: