Խորհրդակցության սկզբում մասնակիցները ներկայացրին նախորդ խորհրդակցության ընթացքում տրված հանձնարարականների կատարման վերաբերյալ տեղեկատվություն, որին հաջորդեցին առաջիկայում կատարվելիք աշխատանքների վերաբերյալ հանձնարարականները

Հանձնարարվեց`

Ա. Ղուկասյանին`

- Նախապատրաստել Սևան համայնքի ավագանու 6-րդ նստաշրջանի 4-րդ նիստի օրակարգը.
- Ներկայացնել տեղեկատվություն 2025թվականի համար համայնքի կողմից ներկայացված սուբվենցիոն հայտերի փաթեթների վերաբերյալ տեղեկատվություն.
- Հետևել Սևան համայնքի արտադպրոցական ուսումնական հաստատություններում ամենամյա գույքագրման գործընթացի կազմակերպմանը.
- Կազմակերպել դեկտեմբերի 6-ին համայնքի 2025 թվականի բյուջեի նախագծի վերաբերյալ կազմակերպվող հանրային լսում.

Մ. Ռաֆայելյանին`

- Համայնքի 2025թվականի բյուջեի կազմման վերաբերյալ ներկայացնել տեղեկատվություն, ինչպես նաև իրականացվող աշխատանքների ուղղությունները.
- Շարունակել աշխատանքները խոշոր պարտք ունեցող ֆիզիկական և իրավաբանական անձանց իրազեկման ուղղությամբ, կազմակերպել նրանց կողմից պարտքերի վճարման գործընթացը.
- Շարունակել թերահավաքված եկամուտների հավաքագրման ուղղությամբ տարվող աշխատանքները.

Ն. Հարությունյանին`

- Խնամակալության և հոգաբարձության հանձնաժողովի աշխատանքները կազմակերպելիս հետևել հանձնաժողովի անդամների՝ դատական նիստերին մասնակցությունը.
- Հետևել ՆՈՒՀ-երի՝ 2025 թվականի համար կազմակերպվող սննդի ձեռք բերման գործընթացին, պատրաստել համապատասխան փաստաթղթեր.

Ռ. Մանուկյանին`

- Ներկայացնել տեղեկատվություն համայնքում գյուղատնտեսական մշակաբույսերի բերքահավաքի ընթացքի վերաբերյալ.
- Կազմակերպել 2024 թվականի նոյեմբերի 15-ից մինչև 2025 թվականի հունվարի 20-ը սիգի ձվադրման ժամանակահատվածում Սևան համայնքում նախատեսված միջոցառումները, պարբերաբար ներկայացնել տեղեկատվություն իրականացված աշխատանքների վերաբերյալ.
- Համագործակցել բնակավայրերի վարչական ղեկավարների հետ և իրազեկել պետության կողմից գյուղատնտեսական ոլորտում իրականացվող ծրագրերի վերաբերյալ.

Մ. Մկրտչյանին`

- Շարունակել մշտադիտարկման աշխատանքները համայնքի տարածքում պետական միջոցներով, սուբվենցիոն ծրագրերով իրականացվող ծրագրերի շինաշխատանքների նկատմամբ.
- Ներկայացնել տեղեկատվություն ՀՀ-ին նվիրաբերվող բուժամբուլատորիաների նվիրաբերման գործընթացի վերաբերյալ.
- Ներկայացնել տեղեկատվություն 2024թվականին սուբվենցիոն ծրագրերով իրականացված շինարարական աշխատանքների ավարտի և ընթացքի վերաբերյալ.

Վարչական ղեկավարներին`

- Ներկայացնել տեղեկատվություն բնակավայրերում իրականացվող ծրագրերի, ընթացիկ աշխատանքների վերաբերյալ՝ համագործակցելով համայնքապետարանի աշխատակազմի համապատասխան բաժինների և մասնագետների հետ: