Խորհրդակցության սկզբում համայնքի ղեկավարն անդրադարձ կատարեց նախորդ խորհրդակցության ընթացքում տրված հանձնարարականների կատարմանը, որին հաջորդեցին առաջիկա երկու շաբաթվա հանձնարարականները:

Հանձնարարվեց`

Ա. Ղուկասյանին`

- Նախապատրաստել համայնքի ավագանու 3-րդ նիստի օրակարգային հարցերը և առաքել խմբակցություններին.
- Ապրիլի 26-ին նախատեսված շաբաթօրյակի կազմակերպչական հարցերի իրականացում, շաբաթօրյակի աշխատանքների իրականացման հանձնախմբի ստեղծում, սխեմաների կազմում՝ համագործակցելով վարչական ղեկավարների հետ.
- Ապրիլին նախատեսված միջոցառումների, նախաձեռնությունների անցկացման նպատակով համագործակցել ՀՈԱԿ-ների տնօրենների հետ և լուսաբանել միջոցառումները.

Պ. Պետրոսյանին`

- Համագործակցելով քաղաքաշինության և հողաշինության բաժնի հետ շարունակել իրականացնել վարչարարություն այն ֆիզիկական և իրավաբանական անձանց նկատմամբ, որոնք գործունեության խախտումները էկոծառայության կողմից արձանագրվել է և ներկայացվել համայնքապետարան.
- Նախապատրաստել համապատասխան գրություններ իրականացված աշխատանքների և վարչարարության վերաբերյալ.

Մ. Ռաֆայելյանին`

- Աղբահանության դիմաց գանձվող վարձավճարների հավաքագրման մասով կատարել բյուջետային վերանայումներ և ներկայացնել համայնքի ավագանու նիստին.
- Խոշոր պարտք ունեցող հարկատուների ցուցակները թարմացնել, նախապատրաստել ծանուցումներ.

Ն. Հարությունյանին`

- Հետևել համայնքի ՆՈՒՀ-երում տրամադրվող սննդի որակին, մատակարարների կողմից ներկայացվող սննդի ժամանակացույցի պահպանմանը՝ արձանագրելով առկա խախտումները.
- Համագործակցել ՀՈԱԿ-ների տնօրենների հետ՝ կազմակերպելով ապրիլ ամսին նախատեսված միջոցառումները.
- 2020 թվականի 44-օրյա պատերազմում զոհված Սևան համայնքի զինծառայողների հուշատեղի կառուցելու նպատակով կազմակերպել զոհվածների լուսանկարների հավաքագրման աշխատանքները.

Ռ. Մանուկյանին`

- Համագործակցել վարչական ղեկավարների հետ և իրազեկել գյուղոլորտին վերաբերող ծրագրերին, ինչպես նաև գյուղարտադրանքի ապահովագրության վերաբերյալ.
- Համայնքում ծառատունկի կազմակերպման նպատակով ճշտել բնակավայրերի պահանջարկը և ներկայացնել տեղեկատվություն.
- Բնակավայրեր առաքել «Բուսաբուծության աջակցության 2025 թվականի ծրագրի» շրջանակներում շահառուների կողմից համայնքի կամ բնակավայրի վարչական ղեկավարին ներկայացվող մասնակցության դիմումի օրինակելի ձևը» և որոշումը.

Մ. Մկրտչյանին`

- Հետևել աճուրդների կազմակերպման գործընթացի պատշաճ կատարմանը և ժամկետների պահպանմանը.
- Կատարել շրջայց և ներկայացնել տեղեկատվություն համայնքում 2025 թվականին նախատեսված ճանապարհաշինական սուբվենցիոն ծրագրում ներառված հիմնանորոգվող փողոցների առաջնահերթության վերաբերյալ.
- Խստորեն պահպանել բաժին մուտքագրված գրությունների, դիմումների կատարման ժամկետները.

Վարչական ղեկավարներին`

- Կազմակերպել բնակավայրի վարչական տարածքում գտնվող, դեպի զբոսաշրջավայրեր տանող ճանապարհների, պատմամշակութային վայրերի ու դրանց հարակից տարածքների մաքրման աշխատանքները.
- Ապրիլի 26-ին նախատեսվող համապետական շաբաթօրյակին ընդառաջ իրականցնել նախապատրաստական աշխատանքներ, ներկայացնել մաքրման համար նախատեսված տեղամասերը, պահանջվող տեխնիկայի վերաբերյալ տեղեկատվություն.
- Մասնակցային բյուջետավորման ծրագրի՝ գաղափար-առաջարկների հավաքագրման նպատակով աշխատանքներ իրականացնել բնակիչների հետ.
- Կազմակերպել «Բուսաբուծության աջակցության 2025 թվականի ծրագրի» շրջանակներում շահառուների կողմից դիմումների ներկայացման գործընթացը: