Խորհրդակցության սկզբում բաժինների պետերը, վարչական ղեկավարները, և բաժինների աշխատանքներ համակարգողները ներկայացրին տրված հանձնարարականների ուղղությամբ իրականացված աշխատանքները:

Աշխատանքների ներկայացումից հետո տրվեցին համապատասխան հանձնարարականներ

Հանձնարարվեց`

Ա. Հովհաննիսյանին`

- Ներկայացնել խնամակալության և հոգաբարձության հանձնաժողովի 2023թվականին կատարված աշխատանքների վերաբերյալ հաշվետվություն.
- Նոր ուսումնական տարվա առթիվ կատարել շրջայցեր համայնքի արտադպրոցական ուսումնական հաստատություններում, գույքագրել առկա խնդիրները.
- Ներկայացնել համայնքում Անկախության օրվա առթիվ կազմակերպվող միջոցառումների ծրագիրը` համագործակցելով արտադպրոցական հաստատությունների տնօրենների հետ.

Ա. Հարությունյանին`

- Ներկայացնել տեղեկատվություն Սևան համայնքի Զովաբեր և Ծովագյուղ բնակավայրերի խմելու ջրի հետ կապված ստուգումների և արձանագրությունների վերաբերյալ.

Ա. Ղուկասյանին`

- Համայնքում կազմակերպել հանրային լսում 2024թվականի համար ներկայացվող սուբվենցիոն հայտերի ներկայացման համար.
- Ներկայացնել տեղեկատվություն համայնքի բնակավայրերում ներկայացվող ծրագրերի վերաբերյալ, կազմակերպել դրանց լուսաբանման գործընթացը.
- Սեպտեմբերի 21-ին կազմակերպվող միջոցառումների լուսաբանման նպատակով համագործակցել տեղակն հեռուստաընկերության հետ. - Բնակավայրերում կազմակերպել Անկախության օրվան նվիրված ակցիաներ.

Զ. Հարությունյանին`

- Համագործակցելով վարչական ղեկավարների հետ` ներկայացնել հաշվետվություն համայնքում իրականացված գյուղատնտեսական աշխատանքների և բերքատվության վերաբերյալ.

Մ. Մկրտչյանին`

- Շարունակել 2024թվականին իրականացվելիք սուբվենցիոն ծրագրերի նախագծանախահաշվային փաստաթղթերի ամբողջացման գործընթացի վերաբերյալ փաստաթղթերի հավաքագրումը.
- Հսկողություն սահմանել սուբվենցիոն ծրագրերի շրջանակներում համայնքում իրականացվող շինարարական օբյեկտների շինաշխատանքների նկատմամբ` համագործակցելով վարչական ղեկավարների հետ.
- Ներկայացնել առաջարկություններ և դիտարկումներ համայնքի տարածական պլանավորման աշխատանքների վերաբերյալ.
- Ժամանակին և պատշաճ պատասխանել բաժին մակագրված գրություններին.
- Իրականացված վարչական վարույթների, աճուրդների և մրցույթների վերաբերյալ հայտարարություններն ուղարկել Ազդարար կայքէջ` պահպանելով ժամկետները.

Վարչական ղեկավարներին`

- Բնակավայրերում բացառել ինքնակամ կամ ապօրինի շինարարական աշխատանքների իրականացումը, անօրինական շինաղբի և հողալցման դեպքերը: Նման դեպքեր հայտնաբերելիս անմիջապես դիմել Սևանի համայնքապետարան հետագա գործընթացը կազմակերպելու համար.
- Այրված խոզանի ու բուսական մնացորդների կանխարգելելու նպատակով բացատրական աշխատանքներ իրականացնել բնակչության շրջանում.
- Սևանի համայնքապետարան ներկայացնել 30.000 և ավելի դրամ ապառք ունեցող իրավաբանական և ֆիզիկական անձանց վերաբերյալ տեղեկատվություն` ըստ եկամտատեսակների: Վեկտոր պլյուս ծրագրի մասով ֆիզիկական և իրավաբանական անձանց հողի, շինությունների փոխադրամիջոցների գույքահարկի պարտատերերի քանակը, գումարները առանձին-առանձին: