Խորհրդակցության սկզբում համայնքի ղեկավարի տեղակալն անդրադարձ կատարեց նախորդ խորհրդակցության ընթացքում տրված հանձնարարականների կատարմանը, որին հաջորդեցին առաջիկա երկու շաբաթվա հանձնարարականները

Հանձնարարվեց`

Ա. Ղուկասյանին`

- Կազմակերպել թափոնների տեսակավորման հետ կապված ֆոկուս խմբային քննարկումները, հավաքագրել քննարկման մասնակիցներին.
- Շարունակել համայնքում մասնակցային բյուջետավորման գործընթացի հետ կապված աշխատանքները՝ համագործակցելով այդ նպատակով ստեղծված հանձնաժողովի անդամների հետ.
- Հետևել աշխատակիցների ամենամյա արձակուրդների տրամադրման ժամանակցույցի պահպանմանը.
- Համագործակցել «Սևան համայնքի կոմունալ սպասարկում և բարեկարգում» ՀՈԱԿ-ի հետ՝ ներկայացնել տեղեկատվություն 2021-2025 թվականներին աղբահանության և սանմաքրման համար ձեռքբերված տեխնիկայի, գործող աղբամուղների վերաբերյալ.
- Արտադպրոցական ՀՈԱԿ-ներին տալ հանձնարարական համապետական միջոցառումներին մասնակցելու, իրականացվող միջոցառումների վերաբերյալ.

Ա. Հարությունյանին`

- Ներկայացնել հաշվետվություն Հունգարիայի Բալատոնալմալդի քաղաք կատարած այցի, հանդիպումների վերաբերյալ.
- Կազմակերպել համայնքում սոցիալական աջակցության տրամադրման ծրագրերի իրականացման գործընթացը.

Պ. Պետրոսյանին`

- Համագործակցելով քաղաքաշինության և հողաշինության բաժնի հետ շարունակել իրականացնել վարչարարություն այն ֆիզիկական և իրավաբանական անձանց նկատմամբ, որոնք գործունեության խախտումները էկոծառայության կողմից արձանագրվել է և ներկայացվել համայնքապետարան.

Մ. Ռաֆայելյանին`

- Կազմել Սևան համայնքի 2026-2028 թվականների միջնաժամկետ ծախսային ծրագիրը և ներկայացնել հաստատման.
- Համագործակցել «Սևան համայնքի կոմունալ սպասարկում և բարեկարգում» ՀՈԱԿ-ի հետ՝ աղբահանության դիմաց գանձվող վարձավճարների հավաքագրման, դրանք ընթացիկ բյուջեում ներառելու համար.
- 2025 թվականի բյուջեում կատարել համապատասխան փոփոխություններ՝ ներառելով համայնքում իրականացվող ծառատունկի համար համապատասխան գումարներ.
- Նախապատրաստել Սևան համայնքի 2025 թվականի բյուջեի 1-ին եռամսյակի վերաբերյալ տեղեկատվություն.

Ն. Հարությունյանին`

- Համաձայն համայնքի ղեկավարի կարգադրությունների՝ իրականացնել ստուգում շրջայցեր համայնքի ՆՈՒՀ-եր և ներկայացնել համապատասխան զեկուցագրեր արդյունքների վերաբերյալ.
- Համագործակցել ՀՈԱԿ-ների հետ և ներկայացնել տեղեկատվություն իրականացվող միջոցառումների վերաբերյալ.

Ռ. Մանուկյանին`

- Համագործակցել վարչական ղեկավարների հետ և ներկայացնել տեղեկատվություն բնակավայրերում գարնանային գյուղատնտեսական աշխատանքների, դրանց ընթացքի վերաբերյալ.

Հ. Ղուկասյանին`

- Հետևել աճուրդների կազմակերպման գործընթացի պատշաճ կատարմանը և ժամկետների պահպանմանը.

Դ. Թորոսյանին`

- Ներկայացնել տեղեկատվություն GIZ հայաստանյան գրասենյակի կողմից ներկայացված ծրագրային ուղղությունների, դրանց ընթացքի վերաբերյալ.
- Հետևել համայնքում իրականացվող արևային համակարգերի տեղադրման աշխատանքների փաստաթղթավորմանը և ներկայացնել հաշվետվություն կատարված աշխատանքների վերաբերյալ: