Բնակավայրերի վարչական ղեկավարներ Խորհրդակցության սկզբում մասնակիցները ներկայացրին նախորդ խորհրդակցության ընթացքում տրված հանձնարարականների կատարման վերաբերյալ տեղեկատվություն, որին հաջորդեցին առաջիկա երկու շաբաթվա ընթացքում կատարվելիք աշխատանքների վերաբերյալ հանձնարարականները

Հանձնարարվեց`

Ա. Ղուկասյանին`

- Վերանայել համայնքի ղեկավարի խորհրդականների պաշտոնի անձնագրերը և հստակեցնել ՏԻՄ բնագավառների նկատմամբ համակարգման գործառույթները.
- Հետևել փաստաթղթաշրջանառությանը.
- Ի մի բերել համայնքային (ըստ բնակավայրերի) հիմնախնդիրները ՀՀ Գեղարքունիքի մարզպետի աշխատակազմ ներկայացնելու համար. - 2025 թվականի համար համայնքի կողմից ներկայացվող սուբվենցիոն հայտերի վերանայում անհրաժեշտ փաստաթղթերի հավաքագրում. - Սևանի թիվ 1 «Բողբոջ» մսուր-մանկապարտեզի լիցենզավորման գործընթացով պայմանավորված՝ ուղարկել պաշտոնական նամակներ այն կազմակերպություններին, որոնց անհատույց օգտագործման իրավունքով տրամադրվել է տարածքներ մանկապարտեզի շենքից.
- Ներկայացնել տեղեկատվություն Սևան համայնքի դպրոցներ 2024-2025 ուստարում հաճախող 1-ին դասարանցիների վերաբերյալ.

Մ. Ռաֆայելյանին`

- Համայնքի 2024 թվականի առաջիկա ամիսներին բյուջեի եկամուտների հավաքագրման կազմակերպման գործընթացի ուղղությամբ իրականացնել աշխատանքներ՝ համագործակցելով վարչական ղեկավարների հետ.
- Շարունակել աշխատանքները խոշոր պարտք ունեցող ֆիզիկական և իրավաբանական անձանց իրազեկման ուղղությամբ, կազմակերպել նրանց կողմից պարտքերի վճարման գործընթացը.

Ա. Հովհաննիսյանին`

- Հայտնաբերել պարտադիր ուսուցումից դուրս մնացած երեխաներին և ներկայացնել տեղեկատվություն.
- Կատարել շրջայցեր համայնքի արտադպրոցական ուսումնական հաստատություններ և հավաքագրել ՀՈԱԿ-ներում նոր ուսումնական տարվա հետ կապված առաջնահերթությունները և խնդիրները, ներկայացնել տեղեկատվություն.

Ռ. Մանուկյանին`

- Համագործակցել վարչական ղեկավարների հետ և աջակցել բնակավայրերում իրականացվող գյուղատնտեսական աշխատանքներին, բերքահավաքը սահմանված ժամկետներում իրականացնելու գործընթացին.
- Գերատեսչություններին ներկայացնելու համար նախապատրաստել համապատասխան տեղեկատվություն-հաշվետվություններ գյուղատնտեսական աշխատանքների մասով.
- Հավաքագրել բնակավայրերում առկա հիմնախնդիրները՝ կապված գյուղատնտեսական աշխատանքների կազմակերպման հետ.

Պ. Պետրոսյանին`

- Շարունակել աշխատանքները համայնքի տարածքում ինքնակամ տեղադրված կառույցների սեփականատերերի հետ, ըստ անհրաժեշտության նախապատրաստել փաստաթղթեր վարչական վարույթ իրականացնելու համար.
- Պատրաստել հաշվետվություն ՆՈՒՀ-եր կատարած այցերի և ուսումնասիրության արդյունքների վերաբերյալ.

Մ. Մկրտչյանին`

- Շարունակել մշտադիտարկման աշխատանքները համայնքի տարածքում պետական միջոցներով իրականացվող ծրագրերի շինաշխատանքների նկատմամբ.
- Շարունակել վարույթների հարուցումը համայնքի տարածքում ինքնակամ շինությունների, ապօրինի տեղադրված տաղավարների սեփականատերերի նկատմամբ.
- Կազմակերպել համայնքի վարչական տարածքով անցնող ավտոճանապարհներին ապօրինի տեղադրված գովազդային վահանակների ապամոնտաժման աշխատանքներն ավարտին հասցնելու գործընթացը.

Վարչական ղեկավարներին`

- Ժամանակին ներկայացնել տեղեկատվություն հանձնարարականների կատարման վերաբերյալ.
- Ներկայացնել բնակավայրերում ընթացող աշխատանքների վերաբերյալ տեղեկատվություն: