Խորհրդակցության սկզբում անդրադարձ կատարվեց նախորդ խորհրդակցության ընթացքում տրված հանձնարարականների կատարմանը, որին հաջորդեցին հանձնարարականները:

Հանձնարարվեց`

Ա. Ղուկասյանին`

- Համագործակցելով բնակավայրերի վարչական ղեկավարների հետ՝ ներկայացնել տեղեկատվություն բնակավայրերում երկրորդային հումքով փողոցների ճանապարհների բարեկարգման վերաբերյալ, միաժամանակ պատրաստել տեղեկատվական նյութ.
- Երիտասարդության միջազգային օրվան նվիրված միջոցառումների անցկացման վերաբերյալ տալ հայտարարություն, իրականացնել նախապատրաստական աշխատանքներ սիրողական սեղանի թենիսի առաջնության անցկացման վերաբերյալ.
- Մասնակցային բյուջետավորման գործընթացն ապահովելու համար համագործակցել համապատասխան բաժինների հետ.

Ն. Հարությունյանին`

- Համագործակցել «Ն. Դագարյանի անվան մանկապատանեկան մարզադպրոց» ՀՈԱԿ-ի, մշակութային կենտրոնի աշխատակիցների հետ և կազմակերպել օգոստոսի 12-ին՝ Երիտասարդության միջազգային օրվան նվիրված միջոցառումները.
- Իրականացնել նախապատրաստական աշխատանքներ ՆՈՒՀ-երում նոր ուսումնական տարվա հետ կապված խմբերի ձևավորման ուղղությամբ.

Ռ. Մանուկյանին`

- Համագործացել բնակավայրերի վարչական ղեկավարների հետ և կազմակերպել սեպտեմբերի 6-ին և 7-ին անցկացվող Բերքի տոնին մասնակցության հայտ ներկայացրած ֆերմերների մասնակցությունը.
- Շարունակել վերահսկել բնակավայրերի հակահամաճարակային իրավիճակը, ըստ անհրաժեշտության, ներկայացնել տեղեկատվություն առկա հիվանդությունների և անասունների անկման դեպքերի վերաբերյալ՝ համագործակցելով համապատասխան կառույցների հետ.

Մ. Մկրտչյանին`

- Իրականացնել աշխատանքներ համայնքի վարչական սահմաններում գտնվող մայրուղիների հարակից տարածքներում ինքնակամ տեղադրված վահանակների ապամոնտաժման համար.
- Շարունակել հաշմանդամություն ունեցող անձանց տեղափոխող մեքենաների կայանման գծանշման աշխատանքներ և ներկայացնել հաշվետվություն կատարված աշխատանքների վերաբերյալ.
- ՀՀ ՇՄ նախարարություն ներկայացնել դիրքորոշում Ծովագյուղ բնակավայրում կառուցվող հանգստի գոտու վերաբերյալ.
- Ներկայացնել տեղեկատվություն Սևանի թիվ 1 «Բողբոջ» մսուր-մանկապարտեզի շենքի առանձնացման գործընթացի վերաբերյալ.

Ա. Ավետիսյանին՝

- Ներկայացնել տեղեկատվություն 2025 թվականի համար հաստատված սուբվենցիոն ծրագրերի մասով մրցույթների անցկացման, պայմանագրերի կնքման գործընթացի վերաբերյալ.

Վարչական ղեկավարներին`

- Ներկայացնել տեղեկատվություն բնակավայրերում ընթացող շինարարական և այլ տիպի ծրագրերի, ընթացիկ աշխատանքների վերաբերյալ.
- Ներկայացնել տեղեկատվություն բնակավայրերում հակահամաճարակային իրավիճակի վերաբերյալ: