Խորհրդակցության սկզբում մասնակիցները ներկայացրին նախորդ խորհրդակցության ընթացքում տրված հանձնարարականների կատարման վերաբերյալ տեղեկատվություն, որին հաջորդեցին առաջիկա երկու շաբաթվա ընթացքում կատարվելիք աշխատանքների վերաբերյալ հանձնարարականները

Հանձնարարվեց`

Ա. Ղուկասյանին`

- Պայմանավորված ՀՀ Առողջապահական աշխատանքային տեսչական մարմնի կողմից Սևան համայնքում իրականացվող ստուգմամբ՝ բնակավայրերի վարչական ղեկավարներից հավաքագրել համապատասխան տեղեկատվություն բնակավայրում ստորգետնյա ջրաղբյուրների քարտեզների, խմելու տնտեսական նշանակության ջրմուղների և ջրամատակարարման աղբյուրների սանիտարական գոտիների պահպանման քարտեզների, ջրաղբյուրների անվանացանկի, ջրամատակարարումն ապահովող պահեստային և կարգավորող տարողությունների՝ օրվա կարգավորիչ ջրավազանների և նրանց տարողությունների վերաբերյալ.
- Նախապատրաստել Սևան համայնքի ավագանու 6-րդ նստաշրջանի 3-րդ նիստի օրակարգը.
- Նոյեմբերի 18-ին տեղի ունեցող «Թափոնների կառավարումը Հայաստանում» ֆորումին մասնակցելու համար ցուցակագրել մասնակիցներին և ներկայացնել տեղեկատվություն.
- Կազմակերպել Սևան համայնքի արտադպրոցական ուսումնական հաստատություններում ամենամյա գույքագրման գործընթացը.

Մ. Ռաֆայելյանին`

- Իրականացնել նախապատրաստական աշխատանքներ 2025թվականի բյուջեի կազմման ուղղությամբ.
- Շարունակել աշխատանքները խոշոր պարտք ունեցող ֆիզիկական և իրավաբանական անձանց իրազեկման ուղղությամբ, կազմակերպել նրանց կողմից պարտքերի վճարման գործընթացը.
- Կազմել ժամանակացույց թերահավաքված եկամուտների հավաքագրման մասով.

Ն. Հարությունյանին`

- Վերահսկել համայնքի ՆՈՒՀ-երում տեղի ունեցող թափուր պաշտոնների համար հայտարարված մրցույթների ընթացքը.
- Խնամակալության և հոգաբարձության հանձնաժողովի աշխատանքները կազմակերպելիս հետևել հանձնաժողովի անդամների՝ դատական նիստերին մասնակցությունը.
- Ներկայացնել տեղեկատվություն հանրակրթությունից դուրս մնացած դպրոցահասակ երեխաների վերաբերյալ՝ ներկայացնելով դուրս մնալու պատճառները.
- Ամփոփել համայնքի նախադպրոցական և արտադպրոցական հաստատություններում իրականացված մեդիագրագիտության միջոցառումները.
- Նախապատրաստել Ֆրանսիայի ազգային հերոս Մ. Մանուշյանի անունով անվանակոչման վերաբերյալ փաստաթղթերը.
- Շարունակել համայնքի արտադպրոցական հաստատություններում աշխատանքային խորհրդակցությունների անցկացումը.
- Կազմակերել աշխատանքային խորհրդակցություններ համայնքի արտադպրոցական հաստատություններում.

Ռ. Մանուկյանին`

- Ներկայացնել տեղեկատվություն համայնքում գյուղատնտեսական մշակաբույսերի բերքահավաքի ընթացքի վերաբերյալ.
- Ներկայացնել տեղեկատվություն համայնքում թափառող կենդանիների ստերջացման աշխատանքների վերաբերյալ.
- Համայնքի բնակավայրերի վարչական ղեկավարներին իրազեկել SIGMA ծրագրի վերաբերյալ.
- Կազմակերպել և նոյեմբերի 15-ին համայնքի ներկայացուցիչների հետ մասնակցել տեղի ունեցող խորհրդաժողովներին, որն անցկացվում է ՀՀ շրջակա միջավայրի նախարարության «Բնապահպանական ծրագրերի իրականացման գրասենյակ» պետական հիմնարկի կողմից՝ ներգրավմամբ բրիտանական «Е Co. Ltd» և հայկական ADWISE Consulting ընկերություններին' մշակելու Կանաչ կլիմայի հիմնադրամի (այսուհետ' ԿԿՀ) Պարզեցված հաստատման գործընթացի (SAP) ֆինանսավորման առաջարկ' «Հայաստանում կանաչ վերականգնման խթանում, անտառային ենթակառուցվածքների զարգացում և կայուն աշխատատեղերի ստեղծում գյուղական համայնքների համար» վերնագրով ծրագրի համար.

Պ. Պետրոսյանին`

- Շարունակել աշխատանքները համայնքի տարածքում ինքնակամ տեղադրված կառույցների սեփականատերերի հետ, ըստ անհրաժեշտության նախապատրաստել փաստաթղթեր վարչական վարույթ իրականացնելու համար.

Մ. Մկրտչյանին`

- Շարունակել մշտադիտարկման աշխատանքները համայնքի տարածքում պետական միջոցներով, սուբվենցիոն ծրագրերով իրականացվող ծրագրերի շինաշխատանքների նկատմամբ.
- Սևան համայնքի թիվ 1 «Բողբոջ» մսուր-մանկապարտեզի լիցենզավորման գործընթացը ավարտին հասցնելու համար կազմակերպել շենքի չափագրման աշխատանքները և նոր վկայականի ձեռքբերման գործընթացը.
- Լճաշեն բնակավայրում գտնվող խորքային հորը Հայաստանի Հանրապետությանը նվիրաբերելու համար փաստաթղթերի փաթեթը ներկայացնել կադաստրի կոմիտե.
- Ներկայացնել տեղեկատվություն 2025 թվականի համար համայնքի կողմից ներկայացվող սուբվենցիոն ծրագրերի նախագծա-նախահաշվային փաստաթղթերի առկայության վերաբերյալ.
- Ներկայացնել տեղեկատվություն ՀՀ-ին նվիրաբերվող բուժամբուլատորիաների նվիրաբերման գործընթացի վերաբերյալ.

Վարչական ղեկավարներին`

- Ներկայացնել տեղեկատվություն բնակավայրերում իրականացվող ծրագրերի և առաջնահերթությունների, ինչպես նաև ընթացիկ աշխատանքների վերաբերյալ: