Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին կետի 21-րդ կետի պահանջներով, հաշվի առնելով, որ Սևան համայնքի ավագանու` 12.06.2019թ. թիվ 28-Ա և 04.05.2021թ. թիվ 32-Ա որոշումներով «ՋԻՆԻՇՅԱՆ» հիշատակի հիմնադրամին ք. Սևան, Կ. Դեմիրճյան 17 հասցեում գտնվող «Սևանի թիվ 1 «Բողբոջ» մսուր-մանկապարտեզ» ՀՈԱԿ-ի շենքից հատկացվել է տարածք Սևանի տարածաշրջանում հաշմանդամ երեխաների և մեծահասակների վերականգնողական կենտրոն ստեղծելու նպատակով, կնքվել է համապատասխան պայմանագիր, որը դադարեցվել է 2025 թվականի ապրիլի 14-ին, հիմք ընդունելով Հիմնադրամի գործադիր տնօրենի լիազորված անձի դիմումը, Սևան քաղաքում մեծահասակների վերականգնողական կենտրոնի գործունեության կարևորությունը և անհրաժեշտությունը՝ 1. «ՋԻՆԻՇՅԱՆ» հիշատակի հիմնադրամին անհատույց օգտագործման իրավունքով տրամադրել ք. Սևան, Կ. Դեմիրճյան 17 հասցեում գտնվող «Սևանի թիվ 1 «Բողբոջ» մսուր-մանկապարտեզ» ՀՈԱԿ-ի շենքի 2-րդ հարկում գտնվող 151.08քմ ընդհանուր մակերեսով տարածքը՝ 5 տարի ժամկետով:
2. Սույն որոշումը ենթակա է պետական գրանցման:
3. Սույն որոշումն ուժի մեջ է մտնում հրապարակմանը հաջորդող օրվանից: |