Սեվանի համայնքապետարանի պաշտոնական կայք

17.12.24 Սևան համայնքի ավագանու դեկտեմբերյան նիստում

Սևան համայնքի ավագանու վեցերորդ նստաշրջանի վերջին նիստի օրակարգը հագեցած էր և ընդգրկուն: Մինչ օրակարգային հարցերի հաստատմանն անցնելը, Սևան համայնքի ղեկավար Սարգիս Մուրադյանն անդրադարձ կատարեց տարվա ընթացքում իրականացված աշխատանքներին, նշեց, որ դրանք` ֆինանսական գործառույթներից մինչև ծրագրեր, ընթանում են բնականոն ընթացքով: «Մեր առջև դրված խնդիրների զգալի մասը կատարված է, այն ծրագրերը, որոնք նախանշել էինք տարեսկզբին, այլևս իրողություն են, որը նպատակասլաց և հետևողական աշխատանքի արդյունք է: Շնորհակալություն եմ հայտնում համայնքապետարանի աշխատակազմի, համայնքի ավագանու անդամներին արդյունավետ համագործակցության համար, շնորհավորում եմ Սևան համայնքի բնակիչներին գալիք տոների կապակցությամբ»,- ... Մանրամասն

16.12.24 Աշխատաժողովին մասնակցել են նաև Սևանի համայնքապետարանի աշխատակազմի ներկայացուցիչները

GIZ-ը համագործակցում է Տնտեսական համագործակցության և զարգացման կազմակերպության Հանրային ոլորտի նորարարության օբսերվատորիայի հետ՝ Հայաստանում քաղաքացիակենտրոն ծառայությունների նախագծումը խթանելու նպատակով։ Դեկտեմբերի 10-ից 12-ը Երևանում կայացած աշխատաժողովը մեկտեղել էր 10 համայնքների ներկայացուցիչների՝ նշված մեթոդաբանությանը ծանոթանալու և իրենց համայնքներում առկա մարտահրավերների ուղղությամբ համատեղ աշխատելու համար։ Աշխատաժողովին մասնակցում էին նաև Սևանի համայնքապետարանի աշխատակազմի ներկայացուցիչները, որոնք առաջիկա ամիսներին մյուս 9 համայնքների ներկայացուցիչների հետ կմշակեն հարմարեցված ծառայություններ՝ ուղղված բնակչության կարիքներին ավելի լավ արձագանքմանը և տեղական ծառայությունների որակի բարելավմանը։ ... Մանրամասն

13.12.24 Հայտարարություն

ԿԳՄՍ նախարարությունից հայտնում են, որ նախադպրոցական ուսումնական հաստատության ղեկավարման իրավունք (հավաստագիր) ստանալու համար հավակնորդների փաստաթղթերն ընդունվելու են 2024 թ. դեկտեմբերի 11-ից 2025 թ. հունվարի 3-ը ներառյալ՝ առցանց եղանակով՝ https://exams.emis.am հղումով:

Համակարգը կգործի 24-ժամյա ռեժիմով:

Հավաստագրման քննությունների ժամանակացույցը կհաստատվի և սահմանված կարգով կհրապարակվի ԿԳՄՍ նախարարության կայքում:

12.12.24 Արդյունավետ համագործակցության լավագույն օրինակներից մեկը

Սևանի համայնքապետարանի կողմից քաղաքի Նաիրյան փողոցում իրականացված ծառերի գույքագրման և մշտադիտարկման արդյունքների հիման վրա համայնքը դիմել էր Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ին՝ մասնագիտական աջակցություն և եզրակացություն տրամադրելու համար: Կազմակերպության մասնագիտական խումբը Սևան քաղաքում իրականացրել է տեղազննություն։ Խմբի եզրակացության հիման վրա, այլ մասնագիտական կառույցների հետ համագործակցությամբ, Սևան խոշորացված համայնքը Նաիրյան փողոցում իրականացրել է ծառերի փոխարինում առավել արժեքավոր ծառատեսակներով։ Սևան համայնքի ղեկավար Սարգիս Մուրադյանը ԿՇՄՊ ՀՈԱԿ-ի տնօրեն Արմեն Բեգոյանին է հանձնել շնորհակալագիր՝ համայնքին մասնագիտական աջակցության, ... Մանրամասն

11.12.24 Անցկացվել է «Կրթությունն սկսվում է ինձանից» խորագրով մարզային աշխատաժողով

Նախօրեին Սևան համայնքի նախադպրոցական ուսումնական հաստատությունների 18 մանկավարժական աշխատող և Սևանի համայնքապետարանի ներկայացուցիչը Գավառ համայնքի Նորատուս բնակավայրի Սասուն Հակոբյանի անվան մանկապարտեզում մասնակցել են ՀՀ կրթության, գիտության, մշակույթի և սպորտի նախարարության նախաձեռնությամբ մեկնարկած «Կրթությունն սկսվում է ինձանից» խորագրով մարզային աշխատաժողովին, որի նպատակը նախադպրոցական կրթության պետական կրթական չափորոշչի ներդրման արդյունավետ կազմակերպմանն առնչվող հարցերի քննարկումն էր: Նոր չափորոշչի ներդրումը թե՛ դպրոցական, թե՛ նախադպրոցական մակարդակում հնարավորություն է տալիս գիտելիքահեն կրթությունից անցում կատարել ավելի համապարփակ վերջնարդյունքների: Նախադպրոցական կրթության չափորոշիչն ... Մանրամասն

11.12.24 Իրազեկում

«ՊրոԴեՖորմ» ՍՊԸ-ն համակարգում է «Հասարակական կազմակերպությունների հետազոտական կարողությունների զարգացում» ծրագիրը՝ «Սոցիալական պաշտպանություն, ներառում և հզորացում» ծրագրի շրջանակում, որն իրականացվում է Դիմոքրասի Ինթերնեյշնլ կազմակերպության կողմից՝ ԱՄՆ Միջազգային զարգացման գործակալության ֆինանսավորմամբ: Ծրագրի նպատակն է՝ զարգացնել քաղաքացիական հասարակության կազմակերպությունների հետազոտական կարողությունները, ինչը նրանց հնարավորություն կտա արդյունավետ կերպով պաշտպանել խոցելի խմբերի իրավունքները սոցիալական պաշտպանության ոլորտում, ազդեցություն ունենալ քաղաքականության վրա և նպաստել կայուն զարգացմանը։ Ծրագրի մանրամասները և մասնակցության հայտադիմումը հասանելի է սույն ... Մանրամասն

11.12.24 Հոբելյանական համերգ Սևանում

Նախօրեին Սևանի Ս. Զաքարյանի անվան մշակույթի պալատում հյուրընկալվել էր Հայաստանի Հանրային Ռադիոյի «Սայաթ -Նովա» աշուղական երգի վաստակավոր անսամբլը՝ գեղարվեստական ղեկավար Թովմաս Պողոսյանի գլխավորությամբ: «ՍԱՅԱԹ-ՆՈՎԱ» մշակութային միության նախագահ, ՀՀ ժողովրդական արտիստ, դոկտոր, պրոֆեսոր Թովմաս Պողոսյանն իր 70-ամյակին նվիրված հոբելյանական համերգային ծրագրով ներկայացավ սևանցի հանդիսատեսին՝ պարգևելով հաճելի պահեր: Ներկայացված ծրագիրը բավականին բազմաբովանդակ էր, կատարումները՝ ազգային ու ժողովրդական, որը հանդիսատեսի կողմից արժանացավ բուռն ու երկարատև ծափողջույնների: ՀՀ ժողովրդական արտիստին սպասվում էր նաև հաճելի անակնկալ. Սևան համայնքի ղեկավար Սարգիս Մուրադյանի կողմից Թովմաս Պողոսյանն ... Մանրամասն

10.12.24 «Մարզական հաղթանակներ» շարքից

Սևանցի թաեքվոնդոյիստ, արդեն նաև մարզիչ Դավիթ Թորոսյանը ոչ միայն հարստացնում է իր մեդալների զինանոցը, այլ նաև կայանում է որպես մարզիչ: Դրա լավագույն վկայությունն էլ օրեր առաջ ԱՐՄ֊ՄԱՐ ակումբի բաց առաջնությունն էր, որտեղ մարզիչ Դավիթի սաները ներկայացան մեծ պատրաստվածությամբ: Առաջնության մասնակիցներ Դավիթ Կարապետյանը (2016թ. 24կգ) և Խաժակ Մուրադյանը (2016թ 22կգ) նվաճեցին պատվավոր առաջին հորիզոնականը: Էրիկ Ղազարյանը (2018թ. 20կգ) ճանաչվեց երկրորդը, երրորդ պատվոհարթակին կանգնեց Ներսես Ղազարյանը (2011թ. 41կգ): Մարզական մեկ այլ իրադարձությունն էլ տեղի է ունեցել Գավառ քաղաքում, որտեղ անցկացվել է բռնցքամարտի առաջնություն: Սևանի Ն․ Դագարյանի անվան մանկապատանեկան մարզադպրոցի 11 մարզիկ, մարզիչներ Հովիկ Վարդանյանի ... Մանրամասն

1 2 3 4 5 6 7 8 9 10 ...