Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 20-րդ, «Աղբահանության և սանիտարական մաքրման մասին» ՀՀ օրենքի 8-րդ կետի պահանջներով` 

1. Սահմանել, որ Սևան համայնքի բնակավայրերի աղբահանությունը և սանիտարական մաքրումը իրականացվում է «Սևան համայնքի կոմունալ սպասարկում և բարեկարգում» ՀՈԱԿ-ի միջոցով:
2. Հաշվի առնելով «Սևան համայնքի կոմունալ սպասարկում և բարեկարգում» ՀՈԱԿ-ի հնարավորությունները` թույլատրել համայնքի առանձին գյուղական բնակավայրերի աղբահանության և սանիտարական մաքրման աշխատանքներն իրականացնել ՀՈԱԿ-ի միջոցով` վարձակալական հիմունքներով:
3. Համայնքի աղբահանության հաշվառման, վարձավճարների գանձման վարձավճարների բյուջե վճարման պարտականությունների իրականացման իրավասությունը վերապահել «Սևան համայնքի կոմունալ սպասարկում և բարեկարգում» ՀՈԱԿ-ին:
4. Առաջարկել բնակավայրերի վարչական ղեկավարներին`
1) Գույքագրել բնակավայրերում առկա արտոնված և չարտոնված աղբավայրերը.
2) Վերացնել չարտոնված, չշահագործվող աղբավայրերը դրանք` ծածկելով հողաշերտով, ապահովելով վերահսկողություն դրանց հետագա չշահագործման համար:
5. Գործող օրենսդրության համաձայն` համայնքում շինարարական և ըստ զանգվածի աղբի տեղափոխման, տեղադրման վայրի թույլտվությունը տալիս է համայնքի ղեկավարը, այդ թվում` գյուղական բնակավայրերի վարչական ղեկավարի ներկայացմամբ:
6. Շինարարական և ըստ զանգվածի աղբի վարձավճարը գանձվում է համայնքի ավագանու որոշմամբ սահմանված վարձավճարի հիման վրա:
7. Համաձայնել համայնքի ղեկավարի առաջարկությանը և թույլատրել խոշոր զանգվածի և շինարարական աղբի տեղադրման, տեղափոխման համար թույլտվություն տալ նաև վարձակալական հիմունքներով աղբահանություն իրականացնող իրավաբանական անձանց և անհատ ձեռնարկատերերին:
8. Սույն որոշումն ուժի մեջ է՝ պաշտոնական հրապարակման օրվան հաջորդող օրվանից։