Սեվանի համայնքապետարանի պաշտոնական կայք

26.12.24 Սևանի Վ․ Սարգսյանի անվան երաժշտական դպրոցը՝ տարեմուտի շեմին

Սևանի Վ. Սարգսյանի անվան երաժշտական դպրոցի սաները 2024 թվականը ճանապարհեցին համերգային ծրագրով:
Դպրոցում կատարված աշխատանքն ի մի բերվեց տոնական միջոցառմամբ, որը, ինչպես միշտ, համապատասխանում էր տարիքային առանձնահատկություններին, ներկայացված կատարումներն էլ հանրամատչելի էին և սիրված:
Կողք կողքի ելույթ ունեցող սաների համար սա առաջին բեմելն էր, մյուսներն առավել փորձառու էին:
Համերգային ծրագիրը մեկնարկեց դպրոցի երգչախմբի կատարումներով, որին հաջորդեցին դաշնամուրի, ջութակի, դուդուկի, լարային և ազգային գործիքների, վոկալ դասարանների սաների կատարումները:

26.12.24 ՏԻՄ-ՔՀԿ ներկայացուցիչների կարողությունների զարգացման ևս մեկ հարթակ

«ՏԻՄ-ՔՀԿ ներկայացուցիչների կարողությունների զարգացում. երիտասարդական միջավայրի ձևավորում և համայնքային երիտասարդական ծառայությունների տրամադրում» թեմայով վերապատրաստման ամփոփիչ հանդիպմանը մասնակցել են Սևանի համայնքապետարանի աշխատակազմի ֆինանսատնտեսագիտական, եկամուտների հաշվառման և հավաքագրման բաժնի գլխավոր մասնագետ Անի Պետեյանը և բաժնի առաջատար մասնագետ Անի Աբրահամյանը, որոնք ՀԿ-ների ներկայացուցիչների հետ, որպես համայնքի երիտասարդ աշխատողներ, նոյեմբեր ամսին մասնակցել էին «ՏԻՄ-ՔՀԿ ներկայացուցիչների կարողությունների զարգացում. երիտասարդական միջավայրի ձևավորում և համայնքային երիտասարդական ծառայությունների տրամադրում» թեմայով վերապատրաստման դասընթացներին: Ամփոփիչ հանդիպման ... Մանրամասն

26.12.24 «Հեքիաթ»-ի ամանորյա ղողանջները

Նախատոնական տրամադրությունն ու աշխույժ եռուզեռն ամենուր է, որը, նախևառաջ, վարակել է փոքրիկներին: Սևան համայնքի բնակավայրերի նախադպրոցական ուսումնական հաստատություններում օրեր շարունակ միմյանց են հաջորդում տոնական հանդեսներն ու ցերեկույթները` զարդարված դահլիճների, տոնածառի, երգ ու պարի, Ձմեռ պապիկի, Ձյունանուշի, նվերների ուղեկցությամբ: Սևանի թիվ 3 «Հեքիաթ» մանկապարտեզում յուրովի են նախապատրաստվել սիրված ու սպասված օրվան: Կազմակերպված միջոցառումն ուղեկցվեց տոնին համահունչ զարդարված դահլիճում՝ բարձր և ուրախ տրամադրությամբ, իսկ փոքրիկներն էլ իրենց հատուկ անմիջականությամբ ճանապարհեցին 2024 թվականը: Մանկապարտեզի սաները ներկաներին տեղափոխել էին հրաշքներով լի աշխարհ, որտեղ գույների հրավառություն ... Մանրամասն

26.12.24 Տարեմուտի շեմին

Սևան համայնքի Լճաշեն բնակավայրի արվեստի դպրոցում հերթական միջոցառումը տոնական էր. ճանապարհում էին հերթական տարին համերգային ծրագրով և ցուցահանդեսով:
Սևան համայնքի Լճաշեն բնակավայրում գործող հնարավորություն է ընձեռել բնակավայրի երեխաներին ծանոթանալ արվեստի մի քանի ճյուղերին, ձեռք բերել անհրաժեշտ հմտություններ:
Լճաշենի արվեստի դպրոցում գործող երաժշտական և նկարչական խմբերում շուրջ 70 երեխա շվի, կլառնետ, դուդուկ, դաշնամուր, դհոլ գործիքներն է բացահայտում, վոկալային տվյալները կատարելագործում, մտքի ու ձեռքի համադրմամբ կտավին հանձնում իր երևակայական աշխարհի գույներն ու պատկերները:
Տարվա ընթացքում ձեռք բերվածն էլ դարձել էր նկարչական ու ձեռքի աշխատանք, երաժշտական կատարում, որը ներկաներին պատճառեց մեծ բավականություն:

26.12.24 Սևանում վառվեցին գլխավոր տոնածառի լույսերը

Դեկտեմբերի 25-ին Սևանի համայնքապետարանի վարչական շենքի մերձակա հրապարակը մարդաշատ էր և աշխույժ, տիրում էր նախատոնական տրամադրություն: Ամանորի գլխավոր զարդը՝ տոնածառը, իր շուրջն էր համախմբել մեծ ու փոքրին: Մինչ Սևան քաղաքի գլխավոր տոնածառի լույսերի վառվելը, փոքրիկներին հյուր եկան մուլտ հերոսները, Ձմեռ պապն ու Ձյունանուշը: Գլխավոր տոնածառի լույսերի վառման արարողությունն ուղեկցվեց երգ ու պարով, ելույթ ունեցան Սևանի մշակութային կենտրոնի սաները, միմյանց հաջորդեցին բարեմաղթանք-շնորհավորանքները: Երեխաներին սպասվում էր ևս մեկ հաճելի ու սպասված անակնկալ: Էդիկ Առաքելյանի և Պերճ Թովմասյանի կողմից ներկա բոլոր երեխաներին բաժանվեցին ամանորյա նվերներ: Գլխավոր տոնածառը՝ Ամանորի խորհրդանիշը, իր լույսերով ազդարարեց ... Մանրամասն

26.12.24 ՀՐԱՎԵՐ ՀԱՆՐԱՅԻՆ ԼՍՄԱՆ

Համաձայն «Շրջակա միջավայրի վրա ազդեցության գնահատման և փորձաքննության մասին» ՀՀ օրենքի /21.06.2014թ. ՀՕ-110-Ն/ և «ՀՀ կառավարության 19.11.2014թ. թիվ 1325-Ն որոշման մեջ փոփոխություն կատարելու մասին» ՀՀ կառավարության 28.12.2023թ. թիվ 2343-Ն որոշման հավելվածի` 2025թվականի հունվարի 10-ին՝ ժամը 14։00-ին, ՀՀ Գեղարքունիքի մարզի Սևան համայնքի Զովաբեր բնակավայրի վարչական ղեկավարի նստավայրում տեղի կունենա «ՆԱՎԻԳ ԳՐՈՒՊ» ՍՊԸ-ի կողմից Գեղարքունիքի մարզի Սևան համայնքի Զովաբեր բնակավայրի վարչական տարածքում արևային կայանի կառուցման շրջակա միջավայրի վրա ազդեցության գնահատման հաշվետվության վերաբերյալ հանրային լսում /2-րդ փուլ/: Ակնկալում ենք ազդակիր Զովաբեր բնակավայրի, հարակից ... Մանրամասն

26.12.24 ՀՐԱՎԵՐ ՀԱՆՐԱՅԻՆ ԼՍՄԱՆ

Համաձայն «Շրջակա միջավայրի վրա ազդեցության գնահատման և փորձաքննության մասին» ՀՀ օրենքի և ՀՀ կառավարության 19.11.2014թ. թիվ 1325-Ն որոշման հավելվածի՝ 2025 թվականի հունվարի 10-ին՝ ժամը 12։30-ին, ՀՀ Գեղարքունիքի մարզի Սևան համայնքի Լճաշեն բնակավայրի վարչական ղեկավարի նստավայրում /հասցե՝ գ․ Լճաշեն, 2-րդ փողոց, շենք 24/ տեղի կունենա «ԱՐՏՄԱ» ՍՊԸ-ի կողմից Գեղարքունիքի մարզի Սևան համայնք, Լճաշեն բնակավայրի վարչական տարածքում նախատեսվող արևային կայանի կառուցման շրջակա միջավայրի վրա ազդեցության գնահատման հաշվետվության վերաբերյալ հանրային լսում /2-րդ փուլ/: Ակնկալում ենք ազդակիր Լճաշեն բնակավայրի, հարակից բնակավայրերի, շահագրգիռ հանրության, կազմակերպությունների, մասնագետների ... Մանրամասն

25.12.24 Մարզական Սևան Ամփոփելով 2024թվականը

Շուտով 2024 թվականն էլ կդառնա պատմություն, որին հանձնելու ենք նաև համայնքային կյանքի տարբեր ոլորտներում գրանցած հաջողություններն ու ձեռքբերումները: Այս օրերին համայնքի տարբեր կազմակերպություններում և հաստատություններում ամփոփում է հերթական տարին: Մարզական կյանքում քիչ չէին ակնառու հաջողությունները՝ մեր մարզիկների գրանցած մրցանակներով և մեդալներով, մարզիչների նվիրյալ և ջանադիր աշխատանքի տեսանելի արդյունքով: Սևանցի մարզիկները 2024-ին մասնակցեցին հանրապետական, համահայկական, միջազգային առաջնություններին և մրցաշարերին, նրանցից շատերը Սևան բերեցին մեդալներ: Սևանի Ն. Դագարյանի անվան մարզադպրոցի ծանրամարտի խմբի սան Հովհաննես Հովհաննիսյանը Վանաձոր քաղաքում կայացած ծանրամարտի բաց առաջնությանը ոչ միայն ... Մանրամասն

1 2 3 4 5 6 7 8 9 10 ...