Ղեկավարվելով ՀՀ Կառավարության 2023 թվականի դեկտեմբերի 28-ի «Հայաստանի Հանրապետության կառավարության՝ 2014 թվականի նոյեմբերի 19-ի N1325-Ն որոշման մեջ փոփոխություն կատարելու մասին» N 2343-Ն որոշման 1-ին Գլխի 8-րդ և 2-րդ Գլխի 28-րդ կետերով, հաշվի առնելով, որ 2025 թվականի հոկտեմբերի 14-ին Սևան համայնքի Լճաշեն բնակավայրում տեղի է ունեցել «ԳՈԳ-ԱՐՍ» ՍՊԸ-ի կողմից Լճաշեն բնակավայրի բազալտի հանքավայրի հարավ-արևմտյան տեղամասում օգտակար հանածոների արդյունահանման նպատակով ընդերքի երկրաբանական ուսումնասիրության վերաբերյալ հանրային քննարկում, որի վերաբերյալ առկա են համապատասխան արձանագրություն և տեսաձայնագրություն, 1. «ԳՈԳ-ԱՐՍ» ՍՊԸ-ի կողմից Սևան համայնքի Լճաշեն բնակավայրի բազալտի հանքավայրի հարավ-արևմտյան տեղամասում օգտակար հանածոների արդյունահանման նպատակով ընդերքի երկրաբանական ուսումնասիրությանը տալ նախնական համաձայնություն՝ հաշվի առնելով հանրային 1-ին քննարկման արձանագրային եզրակացությունը, հանրային քննարկման մասնակիցների դրական կարծիքը, ընկերության կողմից նախատեսվող գործունեության ուղղվածությունը, բնակավայրի համար նախատեսվող սոցիալ-տնտեսական բաղադրիչի առկայությունը, բնապահպանական նորմերի պահպանությունը, նոր ներդրումների կանխատեսումները, ներկայացված հիմնավորումները:
2. Սույն որոշումն ուժի մեջ է մտնում հրապարակմանը հաջորդող օրվանից: |