Ղեկավարվելով «Տեղական ինքնակառավարման մասին» ՀՀ օրենքի 78-րդ հոդվածի 1-ին կետով, հիմք ընդունելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 16)-րդ ենթակետի, 18-րդ հոդվածի 1-ին կետի 21)-րդ ենթակետի, ՀՀ Քաղաքացիական օրենսգրքի 594-րդ հոդվածի պահանջներով, հիմք ընդունելով Սևան համայնքի բնակիչ, ք. Սևան, Գործարանային փողոց 6 շենք, 302 բնակարան հասցեում հաշվառված և բնակվող Համեստ Արմիկի Հախումյանի դիմումը, դիմումին կից ներկայացված փաստաթղթերը, «Յունոնա» ՓԲԸ-ի տնօրենի կողմից տրված տեղեկանքը, Սևան համայնքի ավագանու՝ 24.08.2010թ. թիվ 28 որոշումը, Սևանի քաղաքապետի՝ 13.04.2015թ. թիվ 110 որոշումը, ինչպես նաև հաշվի առնելով այն հանգամանքը, որ Սևան համայնքի ավագանու և Սևանի քաղաքապետի որոշումներով քաղաքացի Ալվարդ Խաչինյանին հատկացված Գործարանային փողոց թիվ 6 շենք, 302 սենյակի սեփականության իրավունքի գրանցումը մինչ օրս չի կատարվել, ներկայումս հայտնի չէ քաղաքացի Խաչինյանի բնակվելու վայրը, հիմք ընդունելով այն, որ համայնքային սեփականությունը տնօրինում է համայնքի ավագանին, ուստի 

1. ՀՀ Գեղարքունիքի մարզ, Սևան համայնք, ք. Սևան, Գործարանային փողոց 6 շենք, 302 բնակարան հասցեում գտնվող, 15.67քմ մակերեսով բնակարանը (կադաստրային ծածկագիր 05-004-0010-0003) 3 տարի ժամկետով անհատույց օգտագործման իրավունքով տրամադրել ՀՀ Գեղարքունիքի մարզ, Սևան համայնք, ք. Սևան, Գործարանային փողոց 6 շենք, 302 բնակարան հասցեում հաշվառված և բնակվող Համեստ Արմիկի Հախումյանին /ծնված՝ 04.08.1980թ./:
2. Քաղաքացի Համեստ Հախումյանի հետ կնքել անհատույց օգտագործման պայմանագիր:
3. Սույն որոշումն ուժի մեջ է` պաշտոնական հրապարակմանը հաջորդող օրվանից: