Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 18.05.2006թ. N 731-Ն որոշմամբ, 18.05.2006թ. թիվ 912-Ն որոշման 9-րդ, 10-րդ, 11-րդ 18-րդ կետերով, հիմք ընդունելով քաղ. Վարդուհի Կոստանյանի դիմումը՝ սեփականության իրավունքով Վարդուհի Կոստանյանին պատկանող, Գեղարքունիքի մարզ, գ. Զովաբեր, 4-րդ փողոց թիվ 11 հասցեում գտնվող 0․301հա մակերեսով հողատարածքում սեփականատիրոջ կողմից ինքնակամ կատարված շինարարական աշխատանքներն օրինականացնելու մասին, նկատի ունենալով, որ շինությունների պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում կամ կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, որոշում եմ. 

1. Սեփականության իրավունքով Վարդուհի Վոլոդյայի Կոստանյանի պատկանող, գ. Զովաբեր. 4-րդ փողոց թիվ 11 հասցեում գտնվող և նրա կողմից փաստացի օգտագործվող 0․301հա մակերեսով հողատարածքի վրա սեփականատիրոջ կողմից 2010թ. ինքնակամ կառուցված 41․70քմ մակերեսով բնակելի տան /ներքին մակերեսը՝ 33․86քմ/, 9․85քմ մակերեսով անասնաշենքի /ներքին մակերեսը՝ 5․38քմ/, 38․40քմ մակերեսով ավտոտնակի /ներքին մակերեսը՝ 29․12քմ/, 32․55քմ մակերեսով պարսպի կառուցման աշխատանքները ճանաչել օրինական՝ /հաշվառման տեղեկանք՝ 2023HFS27Y/՝ համայնքի բյուջե մուծելով յուրաքանչյուր օրինականացվող 1քմ բնակելի շինության համար՝ 874․0 դրամ, 1քմ օժանդակ շինությունների համար՝ 524․4դրամ:
2. Գեղարքունիքի մարզ, գ. Զովաբեր, 4-րդ փողոց թիվ 11 հասցեում գտնվող 0․301հա մակերեսով հողատարածքում 05-035-0008-0018-002 ծածկագրով ավտոտնակի քանդման աշխատանքները ճանաչել օրինական։
3. Սույն որոշման ընդունման օրվանից սահմանված գումարը 60-օրյա ժամկետում չվճարելու դեպքում` սույն որոշումը համարվում է ուժը կորցրած:
4. Սույն որոշմամբ ծագող սեփականության իրավունքը ենթակա է պետական գրանցման:
5. Սույն որոշումն ուժի մեջ է՝ պաշտոնական հրապարակմանը հաջորդող օրվանից։