Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի պահանջներով, հիմք ընդունելով ՄԱԿ-ի Զարգացման ծրագրի (ՄԱԶԾ) «Կանայք քաղաքականության, հանրային կառավարման և քաղաքացիական հասարակության մեջ» ծրագիրը ՀՀ տարածքային կառավարման և ենթակառուցվածքների նախարարության և ՕքսԵՋեն հիմնադրամի հետ համագործակցությամբ, ինչպես նաև՝ ՄԹ Լավ կառավարման հիմնադրամի ֆինանսավորմամբ, հայտարարված դրամաշնորհային ծրագրերի մրցույթը` Համայնքի ղեկավարին կից կանանց և երիտասարդների խորհրդակցական մարմինների (ԿԵԽՄ) անդամների համար, այն, որ Սևան համայնքի ղեկավարին կից` կանանց և երիտասարդների խորհրդակցական մարմնի կողմից դրամաշնորհային մրցույթին ներկայացվել է «Թող լինի այգի» ծրագրային նախագիծը, որը համաֆինանսավորվելու է Սևանի համայնքապետարանի և ՄԱԶԾ կողմից` 

1. Հավանություն տալ Սևան համայնքի Սևան համայնքի քաղաքային զբոսայգում իրականացվելիք «Թող լինի այգի» ծրագրին:
2. Սևան համայնքի ղեկավարին կից կանանց և երիտասարդների խորհրդակցական մարմնի (ԿԵԽՄ) անդամների կողմից ծրագրի վերջնական նախագիծը և բյուջեն ներկայացնելուց հետո թույլատրել կատարելու համաֆինանսավորում` ծրագրի ընդհանուր բյուջեի 20 տոկոսի չափով:
3. Ծրագիրը մեկնարկելուց առաջ հրավիրել հանրային լսում:
4. Սույն որոշումն ուժի մեջ է` պաշտոնական հրապարակմանը հաջորդող օրվանից: