Ղեկավարվելով «Նորմատիվ իրավական ակտերի մասին» ՀՀ օրենքի 33-րդ և 34-րդ հոդվածների պահանջներով, «Տեղական ինքնակառավարման մասին» օրենքի 18-րդ հոդվածի 1-ին մասի 29-րդ կետով, ՀՀ Հողային օրենսգրքի 3-րդ հոդվածի 1-ին մասի 1-ին կետով, «Քաղաքաշինության մասին» ՀՀ օրենքի 143 հոդվածով, ՀՀ կառավարության` 29.12.2011թ. թիվ 1920-Ն որոշմամբ, հիմք ընդունելով ՀՀ համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի 03.02.2023թ. N11 եզրակացությունը՝

1. Հաստատել ՀՀ Գեղարքունիքի մարզ Սևան համայնքի Գեղամավան /բնակավայրի/ գլխավոր հատակագծում կատարված հետևյալ փոփոխությունը՝
1) ՀՀ Գեղարքունիք մարզ, Սևան համայնք, գ. Գեղամավան հասցեում գտնվող 05-024-0259-0029 կադաստրային ծածկագրով 0.075հա մակերեսով գյուղատնտեսական` այլ հողատեսքի նպատակային և գործառնական նշանակությունը փոխադրել էներգետիկայի, տրանսպորտի, կապի, կոմունալ ենթակառուցվածքների օբյեկտների հողեր նպատակային նշանակության, կոմունալ ենթակառուցվածքների հողերի գործառնական նշանակության՝ օրվա կարգավորիչ ջրամբար կառուցելու նպատակով։
2) Նշված փոփոխությունն արտացոլել Գեղամավան /բնակավայրի/ գլխավոր հատակագծում և ընթացիկ քաղաքաշինական քարտեզում:
2. Սույն որոշումն ուժի մեջ է՝ պաշտոնական հրապարակմանը հաջորդող օրվանից: