Ղեկավարվելով «Տեղական ինքնակառավարման մասին»  օրենքի 35-րդ հոդվածի 1-ին մասի 24-րդ կետով, հիմք ընդունելով ՀՀ Գեղարքունիքի մարզպետի աշխատակազմի գլխավոր քարտուղարի գրությունը` որոշում եմ.

1. 2025թ. մայիսի 3-ին Հայաստանի Հանրապետության Գեղարքունիքի մարզի Սևան համայնքում կազմակերպել և անցկացնել շաբաթօրյակ՝ «Մաքուր Սևան» կարգախոսով:
2. Շաբաթօրյակի աշխատանքները կազմակերպելու և համակարգելու նպատակով ստեղծել աշխատանքային հանձնաժողով ` համաձայն հավելվածի։
3. Հանձնաժողովի նախագահին`
1) մշակել և ներկայացնել շաբաթօրյակի անցկացման աշխատանքների գործողությունների պլանը՝ ըստ ներկայացված սխեմայի.
2) ներկայացնել ամփոփագիր օգտագործվող գործիքների և տեխնիկայի վերաբերյալ.
3) կատարել ըստ տարածքների համապատասխան ամրացումներ` ներգրավելով Սևան համայնքում գործող կազմակերպություններին, հաստատություններին, ընկերություններին.
4) 5-օրյա ժամկետում ներկայացնել շաբաթօրյակի կազմակերպման սխեմաները՝ ըստ բնակավայրերի՝ ներառելով պահանջվող գործիքների և տեխնիկայի ցանկը.
5) համակարգել համայնքի տարածքում առկա պատմամշակութային և զբոսաշրջային տարածքների մաքրության և պատշաճ տեսքի ապահովման աշխատանքները՝ կատարելով համապատասխան ամրացումներ.
6) շաբաթօրյակի ավարտից հետո՝ մեկօրյա ժամկետում, ներկայացնել ամփոփագիր արդյունքների վերաբերյալ.
4. Աշխատակազմի քարտուղարին` ապահովել շաբաթօրյակի անցկացման վերաբերյալ իրազեկման աշխատանքները, լուսաբանել դրանց ընթացքը և արդյունքները:
5. «Սևան համայնքի կոմունալ սպասարկում և բարեկարգում» ՀՈԱԿ-ի տնօրենին` շաբաթօրյակի օրը, դրան հաջորդող և նախորդող օրերին պատշաճ ձևով և ժամանակին կազմակերպել կուտակված աղբի տեղափոխումը` ըստ անհրաժեշտության ներգրավելով լրացուցիչ տեխնիկա:
6. Սույն որոշումն ուժի մեջ է` հրապարակմանը հաջորդող օրվանից: