Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, 10.06.2008թ. ՀՕ-117-Ն օրենքի 1-ին հոդվածով, ՀՀ կառավարության` 29.12.2005թ. թիվ 2387-Ն որոշմամբ և հիմք ընդունելով քաղ. Սուրեն Առաքելյանի դիմումը` ըստ օրենքի ժառանգության իրավունքի վկայագրի՝ Սուրեն Առաքելյանին պատկանող, Վարսեր գյուղում գտնվող, անհատական բնակելի տան կառուցման համար նախատեսված 1700քմ մակերեսով հողատարածքում մինչև մինչև 2001թ. մայիսի 15-ը կառուցված բնակելի նշանակության շինությունները սեփական գույք ճանաչելու մասին, նկատի ունենալով, որ դրանք չեն գտնվում ՀՀ Հողային օրենսգրքի 60-րդ հոդվածով սահմանված հողամասերի վրա, որոնց պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում կամ կառուցված չեն քաղաքաշինական նորմերի ու կանոնների էական խախտումներով և չեն առաջացնում հարկադիր սերվիտուտ պահանջելու իրավունք, որոշում եմ.
1. Ըստ օրենքի ժառանգության իրավունքի վկայագրի Սուրեն Վաղոյի Առաքելյանին /ծնված՝ 23․03․1953թ․/ պատկանող և փաստացի օգտագործվող 1663․5քմ մակերեսով հողատարածքի նկատմամբ ճանաչել Սուրեն Վաղոյի Առաքելյանի սեփականության իրավունքը։
2.Սուրեն Առաքելյանին պատկանող 0․16635հա մակերեսով հողատարածքում 1998թ. կառուցված 35․47քմ մակերեսով ավտոտնակը /ներքին մակերեսը՝ 25․02քմ/, 10․54քմ մակերեսով պարիսպները ճանաչել Սուրեն Վաղոյի Առաքելյանի սեփական գույքը:
3. Սուրեն Առաքելյանին պատկանող Սևան համայնք, գ. Վարսեր, 1-ին փողոց 5-րդ նրբանցք թիվ 4 հասցեում գտնվող 0․16635հա մակերեսով հողատարածքում 2005թ․ կառուցված 146․25քմ մակերեսով անավարտ նկուղը /ներքին մակերեսը 103․78քմ/ ճանաչել ինքնակամ շինություն, տրամադրել Սևան համայնք, գ. Վարսեր, 1-ին փողոց, 5-րդ նրբանցք թիվ 4 կիսակառույց հասցե:
4. Սույն որոշումն ուժի մեջ է՝ պաշտոնական հրապարակմանը հաջորդող օրվանից։