Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին կետի 42)-րդ ենթակետի պահանջներով, հիմք ընդունելով, որ Սևան համայնքի և Ֆրանսիայի Գրենոբլ քաղաքի միջև ապակենտրոնացված համագործակցության շրջանակներում Ֆրանսիայի Հանրապետությունից Սևան համայնքին նվիրաբերվել է 2 ավտոբուս, ինչպես նաև նկատի ունենալով, որ Սևան համայնքից մեծ թվով ուսանողներ են մեկնում ք. Երևան ուսումնառության նպատակով՝ 1. Սևան համայնքի ուսանողների՝ Սևան-Երևան-Սևան երթուղով տեղափոխումը կազմակերպել 2021թվականի սեպտեմբերի 15-ից՝ նվիրաբերված երկու ավտոբուսների գործարկման միջոցով: 2. Ստեղծել հանձնաժողով՝ ներգրավվելով համայնքապետարանի աշխատակազմի աշխատակիցներին և համայնքի ավագանու անդամներին՝ սահմանելով հետևյալ գործառույթները՝ ուսանողական ավտոբուսների երթուղուց օգտվող ուսանողների ընտրության չափորոշիչների ընտրություն, ավտոբուսների չվացուցակի, երկկողմանի ուղեվարձի գումարի և վճարման կարգի հաստատում, ավտոբուսների մեկնման /Սևան/ և վերադարձի /Երևան/ կայանման տեղերի որոշում: 3. Սույն որոշումն ուժի մեջ է` պաշտոնական հրապարակմանը հաջորդող օրվանից: |