Հիմք ընդունելով Սևանի պատվավոր քաղաքացի Ռուբեն Արտուշի Ղուկասյանի զգալի ավանդը քաղաքի սոցիալ-տնտեսական զարգացման և քաղաքաշինության բնագավառներում, աշխատանքային բեղմնավոր և նշանակալի կենսագրությունը, բացառիկ վաստակը, համայնքային կյանքում ունեցած մեծ դերակատարումը, ղեկավարվելով «Տեղական ինքնակառավարման մասին» ՀՀ օրենքի 32-րդ հոդվածի 15 և 16-րդ հոդվածի 21 կետերով, ՀՀ կառավարության` 29.12.2005թ. «Հայաստանի Հանրապետության քաղաքային և գյուղական բնակավայրերում ներբնակավայրային աշխարհագրական օբյեկտների անվանակոչման, անվանափոխման, անշարժ գույքի՝ ըստ դրա գտնվելու և (կամ) տեղակայման վայրի համարակալման, հասցեավորման ու հասցեների պետական գրանցման կարգը հաստատելու և հասցեների գրանցման լիազոր մարմին սահմանելու մասին» թիվ 2387-Ն որոշմամբ հաստատված կարգի II բաժնի 8-րդ մասով` 1. Ք. Սևան, Նաիրյան 1-ին նրբանցքը / Սևանի պետական քոլեջից հարավ / վերանվանել Ռուբեն Արտուշի Ղուկասյանի անվամբ:
2. Սույն որոշումն օրենքով սահմանված կարգով ընդունելուց հետո 5-օրյա ժամկետում ներկայացնել աշխարհագրական անվանումների ռեգիստր վարող պետական լիազորված մարմին՝ անվանափոխման պետական գրանցում իրականացնելու համար:
3. Սույն որոշումը ուժի մեջ է` ստորագրման պահից: |