Հիմք ընդունելով տարածքային կառավարման նախարար, փոխվարչապետի` 03.10.2013թ. N 01/16/5451 հանձնարարականը և ՀՀ Գեղարքունիքի մարզպետարանի աշխատակազմի ղեկավարի գրությունը` Սևան համայնքի վարչական տարածքում գտնվող պետական սեփականություն հանդիսացող անշարժ գույքի զբաղեցրած և սպասարկման համար նախատեսված հողատարածքը պետությանը հետ նվիրելու առաջարկությունը և հաշվի առնելով լիցենզավորված կազմակերպության կողմից ներկայացված չափագրման արդյունքները` ղեկավարվելով «Իրավական ակտերի մասին» ՀՀ օրենքի 70-րդ հոդվածի 2-րդ կետի 2-րդ ենթակետով, 71-րդ հոդվածի 1-ին կետի 1-ին մասով` 1. «Սևանի պետական քոլեջ» ՊՈԱԿ-ի պետական սեփականություն հանդիսացող, շենքի զբաղեցրած և սպասարկման համար նախատեսված 0.37հա հողատարածքից 0.2755 հա հողատարածքը հետ նվիրել պետությանը, իսկ մնացած 0.0945 հա հողամասը թողնել որպես համայնքային սեփականություն՝ ՀՀ կառավարության, համայնքային և դոնոր կազմակերպության ֆինանսական ներդրումների միջոցներով կառուցված քաղաքային բազմաֆունկցիոնալ մարզահրապարակի համար, որը անհատույց օգտագործվում է նաև Սևանի պետական քոլեջի կողմից:
2. Գիշերօթիկ դպրոցի արևելյան մասի՝ պետական սեփականություն հանդիսացող, սպասարկման համար նախատեսված 0.7815հա հողատարածքից 0.6755հա հողատարածքը հետ նվիրել պետությանը, իսկ 0.1060հա հողատարածքը թողնել որպես համայնքային սեփականություն:
3. Ուժը կորցրած ճանաչել համայնքի ավագանու` 11.11.2013թ. թիվ 48-Ա որոշումը:
4. Սույն որոշումն ուժի մեջ է` ստորագրման պահից: |