Սևան քաղաքի Նալբանդյան փողոցի թիվ 43 / 13 հասցում է գտնվում համայնքային սեփականություն հանդիսացող բնակարանը, որը 2009թ. հանձնվել է Մարտիկ Հարությունյանի վարձակալությանը: Նշված բնակարանը վարձակալին հանձնող հանձնաժողովը արձանագրել է, որ բնակարանը առանց կապիտալ նորոգման ենթակա չէ բնակեցման, իսկ այն նորոգելու համար անհրաժեշտ է 4.5մլն. դրամ գումար / հիմք` թերությունների ակտը և կազմված նախահաշիվը /: Բնակարանը գտնվում է բազմաբնակարան բնակելի շենքի վերջին` 5-րդ հարկում, որի ուղղությամբ տանիքը լրիվ քայքայվել է և տեղումների հետևանքով ջուրը նշված բնակարանի միջոցով ներթափանցել է ավելի ցածր հարկեր, որով մեծ վնաս է պատճառել բնակելի շենքին: Բնակարաների վարձակալ Մ. Հարությունյանը առաջին խմբի հաշմանդամ է և չի կարող կատարել պահանջվող նորոգումները, իսկ քաղաքապետարանը չունի ազատ դրամական միջոցներ այդ ծախսերը հոգալու համար: Քաղաքապետին հացեագրված դիմումով Մ. Հարությունյանը պատրաստակամություն է հայտնում նորոգելու բնակարանը և շենքի տանիքի մասը, եթե նշված բնակարանը անհատույց հանձնվի իրեն: Վերոգրյալից ելնելով` Սևան համանքի ավագանին գտնում է, որ նշված մեկ սենյականոց բնակարանը պետք է նվիրել Մ. Հարությունյանին: Ղեկավարվելով ՀՀ ՏԻՄ օր. 16-րդ հոդվածի 20-րդ կետով` -Ք. Սևան, Նալբանդյան փողոցի թիվ 43 / 13 հասցում գտնվող և համայնքային սեփականություն հանդիսացող մեկ սենյականոց բնակարանը նվիրել Մարտիկ Հարությունյանին: -Մարտիկ Հարությունյանի հետ կնքել նվիրաբերության պայմանագիր և այն վավերացնել նոտարական կարգով: -Սույն որոշմամբ ծագող սեփականության իրավունքը ենթակա է պետական գրանցման: |