Հիմք ընդունելով Սևան համայնքի վարչական սահմաններում գտնվող անշարժ գույքի և դրան հարակից ընդհանուր օգտագործման տարածքի պարտադիր բարեկարգման կարգի 13-րդ կետում ամրագրված պարտադիր բարեկարգման պահանջները, հաշվի առնելով, որ այդ պահանջները չեն կատարվում պատշաճ ձևով և ժամանակին, մասնավորապես` մայթերի բարեկարգում, ձյան ամենօրյա մաքրում, ձյան կույտերի տեղափոխում, որոնք էլ խոչընդոտում են մարդկանց երթևեկին և անվտանգությանը, համաձայն «Վարչական իրավախախտումների վերաբերյալ» ՀՀ օրենսգրքի 156-րդ հոդվածի`
1. Սևան համայնքի ավագանու` 12.05.2014թվականի թիվ 17-Ն որոշմամբ հաստատված Սևան համայնքի վարչական սահմաններում գտնվող անշարժ գույքի և դրան հարակից ընդհանուր օգտագործման տարածքի պարտադիր բարեկարգման կարգում կատարել լրացում` 13-րդ` պարտադիր բարեկարգման պահանջներում ավելացնել 3-րդ ենթակետ հետևյալ շարադրմամբ`
պարտադիր բարեկարգման պահանջները չկատարելու դեպքում սահմանվում է տուգանք նվազագույն աշխատավարձի 20-ապատիկի չափով:
2. Սույն որոշումն ուժի մեջ է` հրապարակմանը հաջորդող 10-րդ օրը: |