Հաշվի առնելով, որ Սևան համայնքի փողոցների և մայթերի ծառերի գերակշռող մասը ավելի քան 50 տարեկան են և այդ ընթացքում նրանց զգալի մասը գերաճ է տվել, խախտվել է արմատային սիստեմի և սաղարթների կորելացիոն կապը, որի հետևանքով դրանց արմատները շատ տեղերում թափանցել են նույնիսկ փողոցների կոմունիկացիոն ցանցերը, շենքերի նկուղային հարկերը, առանձին տեղերում սաղարթները խանգարում են հետիոտներին, քամիների ժամանակ վտանգավոր են շենքերի լուսամուտների և պատշգամբների համար: Առկա են նաև չորացած, ձևավորման և վերաճ ապահովելու համար ոչ պիտանի ծառեր: Սևանի քաղաքապետի` 06.05.2014թ. թիվ 55 կարգադրությամբ ստեղծված հանձնաժողովը Սևան քաղաքում և Գագարինում հաշվառել է էտման ենթակա` 73, սանիտարական հատման ենթակա` 47 ծառ /ցուցակը կցվում է /: 1. Թույլատրել «Սևան համայնքի կոմունալ սպասարկում և բարեկարգում» ՀՈԱԿ-ին` կատարելու հաշվառված ծառերի էտում և սանիտարական հատում:
2. Հաշվառված փայտանյութը պահեստավորել «Սևան համայնքի կոմունալ սպասարկում և բարեկարգում» ՀՈԱԿ-ում` սոցիալապես անապահով ընտանիքներին որպես վառելիք հատկացնելու նպատակով:
3. Հանձնարարել «Սևան համայնքի կոմունալ սպասարկում և բարեկարգում» ՀՈԱԿ-ին` հատված ծառերի փոխարեն տեղադրել համայնքի բնակլիմայական պայմաններին համապատասխան նոր տնկիներ: |