Որոշումներ

Ավագանու որոշում N 24

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ Սևան ՀԱՄԱՅՆՔԻ ԱՎԱԳԱՆԻ

Հայաստանի Հանրապետության Գեղարքունիքի մարզի Սևան համայնք
ՀՀ Գեղարքունիքի մարզ, ք. Սևան, 0261-2-43-23, 0261-4-00-00, sevan.gegharkunik@mta.gov.am

Ո Ր Ո Շ ՈՒ Մ

24 օգոստոսի 2010 թվականի N 24

ՀԱՄԱՅՆՔԻ 2010թ. 1-ԻՆ ԵՌԱՄՍՅԱԿԻ ԲՅՈՒՋԵԻ ԿԱՏԱՐՄԱՆ ՄԱՍԻՆ ՀԱՂՈՐԴԱԳՐՈՒԹՅՈՒՆ

Համայնքի 2010թ. 1-ին եռամսյակի բյուջեի կատարումը ընթացել է հետևյալ ցուցանիշներով`

          ԵԿԱՄՈՒՏՆԵՐԻ ԿԱՏԱՐՈՒՄ
            Համայնքի 2010թ. 1-ին եռամսյակի բյուջեի եկամուտների պլանը կատարվել է
82.1 %-ով, 107.1 մլն. դրամ ճշտված պլանային եկամուտների դիմաց հավաքագրած և պետական բյուջեից հատկացված դոտացիան կազմել է 87.9 մլն. դրամ: Նախորդ` 2009թ. նույն ժամանակաշրջանի համեմատությամբ համայնքի բյուջեն գերակատարվել է
14.7 %-ով կամ ավել եկամուտները կազմել են 11.3 մլն. դրամ:
            2010թ. 1-ին եռամսյակի բյուջեի վարչական մասը կատարվել 88.2 %-ով / պլան 93.4 մլն. դրամ, փաստացի 82.3 մլն. դրամ /: 2009թ. նույն ժամանակաշրջանի համեմատ բյուջեի 2010թ. առաջին եռամսյակի վարչական մասում ավել եկամուտները կազմել են 10.5 մլն. դրամ կամ վարչական բյուջեի եկամուտները 2009թ. համեմատությամբ ավելացել են 14.6%: Վարչական բյուջեում սեփական եկամուտները կատարվել են
62.2 %-ով/ պլան 28.1 մլն. դրամ, փաստացի 17.5 մլն. դրամ /: Նախորդ` 2009թ. նույն ժամանակաշրջանի համեմատությամբ սեփական եկամուտները գերակատարվել են
0.7 %-ով կամ սեփական եկամուտների հավաքագրումը պակասել է 0.1 մլն. դրամի չափով:
2010թ. 1-ին եռամսյակի ֆոնդային բյուջեն կատարվել է 40.7 %-ով / պլան 13.7 մլն. դրամ, փաստացի 5.6 մլն.դրամ /, 2009թ. նույն ժամանակաշրջանի համեմատությամբ ֆոնդային բյուջեի եկամուտները ավելացել   են 0.8 մլն. դրամ կամ 17.3 %-ով:
            Համայնքի 2010թ. 1-ին եռամսյակի բյուջեի եկամուտների կատարման ավելի մանրամասն տվյալները և համեմատականը 2009թ. նույն ժամանակաշրջանի նկատմամբ բերված է թիվ 1 հավելվածում:

          ԾԱԽՍԵՐԻ ԿԱՏԱՐՈՒՄ
            Եկամուտների կատարման մակարդակից ելնելով` կատարվել է համայնքի 2010թ. 1-ին եռամսյակի բյուջեի ծախսերը: Համայնքի բյուջեի ծախսերը կատարվել է 52.4 %-ով: 143.1 մլն.դրամ ծախսերի դիմաց կատարվել է 75.0 մլն. դրամի ծախս կամ թերակատարումը կազմել է 68.1 մլն. դրամ:
Ըստ առանձին ոլորտների` համայնքի 2010թ. 1-ին եռամսյակի բյուջեի ծախսերը կատարվել են տարբեր տոկոսներով: Կրթության, մշակույթի ծախսերը ֆինանսավորվել են ամբողջ պահանջի չափով կամ միջին հաշվով 45.6 %` / փետրվար-մարտ ամիսների կատարողականն է/ :
Վարչական բյուջեի ծախսերը կատարվել է 42.1%-ով (117.5մլն. դրամ պլան, 49.5 մլն.       դրամ փաստացի ծախս), թերակատարումը կազմել է 68.0 մլն. դրամ, այդ թվում 10.3 մլն. դրամ` ընդհանուր բնույթի համայնքային ծառայություններ, 21.5 մլն.դրամ` կրթության և մշակույթի ծախսեր, 11.3 մլն.դրամ` շրջակա միջավայրի պաշտպանության ծախսեր / սանմաքրում/, 6.6 մլն. դրամ սոցիալական այլ ծրագրերի գծով ծախսեր և այլն : 5.5 մլն. դրամի չափով դրամաշնորհ է հատկացվել «Սևանի Պոլիկլինիկա» ՊՓԲ ընկերության շենքի հիմնանորոգման համայնքային ներդրում կատարելու համար :
            2009թ. 1-ին եռամսյակի համեմատությամբ 2010թ. նույն ժամանակաշրջանի վարչական բյուջեի ծախսերը պակաս են կատարվել 0.5 մլն. դրամ կամ 1.1 %-ի չափով:
2010թ. 1-ին եռամսյակի համայնքի բյուջեի ֆոնդային մասի ծախսերը կատարվել է 58.6 %-ով / 43.5 մլն. դրամ պլան, 25.5 մլն. դրամ փաստացի ծախս /, նախորդ 2009թ. 1-ին եռամսյակի համեմատությամբ ֆոնդային բյուջեի գծով պակաս ծախսերն են կատարվել 12.1 մլն. դրամի չափով, կամ մոտ 91.0 %-ով ավելի :
            Համայնքի բյուջեի 2010թ. 1-ին եռամսյակի ծախսերը և համեմատականը 2009թ. 1-ին եռամսյակի նկատմամբ բերված է թիվ 2 հավելվածում:
            Համայնքի 2010թ. 1-ին եռամսյակի բյուջեից վճարվել է 14.5 մլն. դրամի չափով ասֆալտապատման / նորոգման/ պարտքեր : Ձեռք է բերվել և տեղադրվել 7.0 մլն. դրամի չափով Սևանի գերեզմանոցի և ապրիլի 24-ի հուշախաչքարի շրջապատման ցանկապատերը, 1.0 մլն. դրամի չափով նստարաններ և ծաղկամաններ :
            ՊԱՐՏՔԵՐ
              Համայնքի բյուջեի գծով պարտքերը առ 01.01.10թ. դրությամբ կազմել են 16.4մլն դրամ, այդ թվում փողոցների փոսային նորոգման գծով` 16.4 մլն. դրամ, որից 2010թ. մարվել է 14.5 մլն դրամը :

Ղեկավարվելով «ՏԻՄ» ՀՀ օրենքի 69-րդ հոդվածի և«Բյուջետային համակարգի մասին» ՀՀ օրենքի 35-րդ հոդվածի 1-ին կետի պահանջներով`
Ընդունել ի գիտություն համայնքի 2010թ. առաջին եռամսյակի բյուջեի կատարման մասին հաղորդագրությունը:

Կողմ -11

ԱՆՏՈՆՅԱՆ ԳՈՒՐԳԵՆ

ԱՌԱՔԵԼՅԱՆ ՍԱՄՍՈՆ

ԱՎԱԳՅԱՆ ԿԱՄՈ

ԱՎԵՏԻՍՅԱՆ ԲԱԳՐԱՏ

ԲԱՂԴԱՍԱՐՅԱՆ ՀՈՒՆԱՆ

ԳԵՎՈՐԳՅԱՆ ԱՐԱՅԻԿ

ԷԼԻԶԲԱՐՅԱՆ ԱՐԱՄ

ՀԱՄԲԱՐՁՈՒՄՅԱՆ ՄԱԿԻՉ

ՍԱՐԳՍՅԱՆ ՏԻԳՐԱՆ

ՍՄԲԱՏՅԱՆ ԱՇՈՏ

ՎԱՐԴԱՆՅԱՆ ԱՐԱ