Քննելով քաղաքացի Ռուդիկ Ավետիսյանին կառուցապատման իրավունքով պատկանող հողատարածքում տեղադրված շինությունների առկայության փաստը պարզեցի
12.04.2025 թվականին և 23.04.2025 թվականին ՀՀ Գեղարքունիքի մարզի դատախազի գրությունների հիման վրա ուսումնասիրվեց քաղաքացի Ռուդիկ Ավետիսյանին կառուցապատման իրավունքով պատկանող հողատարածքում տեղադրված շինությունների փաստը։ Պարզվեց որ, քաղաքացին խախտելով ՀՀ կառավարության 2001 թվականի սեպտմբերի 24-ի N 896-Ն, ՀՀ կառավարության 2015 թվականի մարտի 19-ի 596-Ն որոշումների, ՀՀ «Քաղաքաշինության մասին» օրենքի 23-րդ հոդվածի պահանջները, իրեն պատկանող հողատարածքում /պայմանագիր 10.11.2004թ․/ առանց շինարարության (տեղադրման) թույլտվության տեղադրել է շինություններ։ Համաձայն ՀՀ «Քաղաքացիական» օրենսգրքի 188-րդ հոդվածի 1-ին կետի այդ շինությունները համարվում են ինքնակամ։ Ուստի ղեկավարվելով ՀՀ «ՏԻՄ» օրենքի 35-րդ հոդվածի 1-ին կետի 24-րդ ենթակետի և 42–րդ հոդվածի 2-րդ մասի, 1-ին կետի պահանջներով որոշում եմ 1․ Պահանջել քաղաքացի Ռուդիկ Ավետիսյանից ապամոնտաժելու (քանդելու) հողատարածքում տեղադրված ինքնակամ շինությունները։ 2․ Պահանջել քաղաքացուց տարածքի կառուցապատումը իրականացնել ՀՀ օրենսդրության պահանջներին համապատասխան։ 3․ Սույն որոշման 1-ին կետի պահանջները չկատարելու դեպքում հարցը լուծել օրենքով սահմանված կարգով։ 4.Սույն որոշումը կարող է բողոքարկվել դատական կարգով երկու ամսվա ընթացքում։ 5․ Սույն որոշումը ուժի մեջ է մտնում կողմերին պատշաճ ծանուցելուն հաջորդող օրվանից։