Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24)-րդ կետով, ՀՀ հողային օրենսգրքի 64-րդ հոդվածի 2-րդ կետով, ՀՀ կառավարության 29.12.2005թ. թիվ 2387-Ն որոշմամբ և հիմք ընդունելով քաղ. Գագիկ Համբարձումյանի դիմումը` ըստ օրենքի ժառանգության իրավունքի վկայագրի Գագիկ Համբարձումյանին պատկանող և Վարսեր համայնքի հողային բարեփոխումների և սեփականաշնորհման տեղական հանձնաժողովի՝ 22․04․1991թ․ թիվ N 7 նիստի որոշմամբ՝ Գագիկ և Բալաբեկ Համբարձումյաններին սեփականաշնորհված 2200քմ մակերեսով հողատարածքում մինչև 2001թ. մայիսի 15-ը կառուցված բնակելի նշանակության շինությունները սեփական գույք ճանաչելու մասին, ինչպես նաև նկատի ունենալով, որ դրանք չեն գտնվում ՀՀ Հողային օրենսգրքի 60-րդ հոդվածով սահմանված հողամասերի վրա, որոնց պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում կամ կառուցված չեն քաղաքաշինական նորմերի ու կանոնների էական խախտումներով և չեն առաջացնում հարկադիր սերվիտուտ պահանջելո իրավունք, որոշում եմ.
1. Ըստ օրենքի ժառանգության վկայագրի Գագիկ Համբարձումյանին պատկանող և Վարսեր համայնքի հողային բարեփոխումների և սեփականաշնորհման տեղական հանձնաժողովի՝ 14․04․1991թ․ N 7 նիստի որոշմամբ Վարսեր համայնքում անհատական բնակելի տան կառուցման համար Գագիկ Անդրեազի Համբարձումյանին /ծնված`29․07․1972թ./, Բալաբեկ Անդրեասի Համբարձումյանին /ծնված 09․04․1968թ․/, անհատական բնակելի տան կառուցման համար սեփականաշնորհված 2200քմ մակերեսով հողատարածքին կից գտնվող 76․4քմ մակերեսով հողատարածքի նկատմամբ ճանաչել Գագիկ և Բալաբեկ Համբարձումյանների սեփական գույքը։ 2. Սեփականության իրավունքով Գագիկ և Բալաբեկ Համբարձումյաններին պատկանող 2276․4քմ մակերեսով հողատարածքում 1959-1962թթ. կառուցված 240․45քմ մակերեսով կիսանկուղի և բնակելի տան /ներքին մակերեսը՝217․0քմ/, 15․75քմ մակերեսով խորդանոցի /ներքին մակերեսը՝ 12․0քմ/, 50․0քմ մակերեսով անասնաշենքի /ներքին մակերեսը 38․64քմ/, 30․0քմ մակերեսով խոտանոցի /ներքին մակերեսը 22․72քմ/ ճանաչել Գագիկ Անդրեազի Համբարձումյանի և Բալաբեկ Անդրեասի Համբարձումյանի սեփական գույքը՝ տրամադրելով Սևան համայնք, գ. Վարսեր 1-ին փողոց 10-րդ փակուղի թիվ 5 բնակելի տուն հասցե: 3. Սույն որոշումն ուժի մեջ է մտնում օրենքով սահմանված կարգով պատշաճ իրազեկելու օրվան հաջորդող օրվանից։