Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, «Վարչական իրավախախտումների վերաբերյալ» ՀՀ օրենսգրքի 154-րդ հոդվածի պահանջներով, այն է՝ հողօգտագործման իրավունք չունեցող անձանց կողմից պետությանը և համայնքներին սեփականության իրավունքով պատկանող հողամասերի վրա շենքեր և շինություններ ինքնակամ կառուցելը առաջացնում է տուգանքի նշանակում, հիմք ընդունելով Հայաստանի Հանրապետության քաղաքաշինության, տեխնիկական և հրդեհային անվտանգության տեսչական մարմնի ղեկավարի տեղակալի՝ 31.05.2024թ․ թիվ ՔՏՄ/18.9/14855-24 գրությունը, հաշվի առնելով Սևանի համայնքապետարանի կողմից կազմված 25.07.2024թ. վարչական իրավախախտման վերաբերյալ թիվ 3 արձանագրությունն այն մասին, որ Սիրեկան Մերուժանի Բաղդասարյանը /հաշվառված` ք. Սևան, Մարզպետունի փողոց թիվ 18 տուն հասցեում/ «Մեր Սիր» ՍՊԸ-ի հարակից տարածքում, առանց համապատասխան փաստաթղթերի կառուցել է 35մ երկարությամբ նավամատույց՝ որոշում եմ.
1. Պետական սեփականություն հանդիսացող հողամասի վրա առանց հողօգտագործման իրավունքի կառուցել է երկաթյա կոնստրուկցիայով նավամատույց՝ Սիրեկան Մերուժանի Բաղդասարյանի նկատմամբ նշանակել տուգանք սահմանված նվազագույն աշխատավարձի երկուհազարպատիկի չափով: 2. Առաջարկել հանցառու Սիրեկան Մերուժանի Բաղդասարյանի 15-օրյա ժամկետում կամավոր հիմնունքներով տուգանքը վճարել Սևանի համայնք բյուջեի /900165101123 հաշվեհամարին /ՀՀՖՆԳՎ։ 3. Նշանակված տուգանքը ժամանակին չվճարելու դեպքում այն ենթակա է գանձման օրենքով սահմանված կարգով: 4. Սույն որոշումը ստանալուց հետո քանդել ինքնակամ կառուցված բետոնյա հիմքով սանհանգույցները և խաղահրապարակը և տարածքը բերել նախկին տեսքին: 5. Սույն որոշումը կարող է բողոքարկվել օրենքով սահմանված կարգով: 6. Սույն որոշումն ուժի մեջ է՝ պաշտոնական հրապարակմանը հաջորդող օրվանից։