Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24)-րդ կետով, ՀՀ Հողային օրենսգրքի 66-րդ հոդվածի 1-ին կետի 3-րդ ենթա- կետով, ՀՀ կառավարության` 29.12.2005թ. թիվ 2387-Ն որոշմամբ և ՀՀ համայնքների «բնակավայրերի» քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի՝ N 2-6 եզրակացությունը՝ հիմք ընդունելով Աբրահամ Աբրահամյանի դիմումը` վարձակալության իրավունքով իրեն պատկանող, Սևան գ․ Սեմյոնովկա հասցեում գտնվող 3․25598հա մակերեսով հողատարածքը ուղղակի վաճառքի կարգով իրեն օտարելու մասին, նկատի ունենալով, որ հողատարածքը չի հանդիսանում ՀՀ Հողային օրենսգրքի 60-րդ հոդվածով նախատեսված հողատարածք, որոշում եմ.
1. Վարձակալության իրավունքով Աբրահամ Միքայելի Աբրահամյանին պատկանող 3․25598հա մակերեսով գյուղատնտեսական նպատակային նշանակության՝ արոտավայր գործառնական նշանակություն ունեցող հողատարածքի նպատակային նշանակությունը փոխել էներգետիկայի, տրանսպորտի, կապի, կոմունալ ենթակառուցվածքների օբյեկտների նպատակային նշանակության՝ էներգետիկ հողերի գործառնական նշանակության։ տրամադրելով Սևան համայնք, գ․ Սեմյոնովկա, 1-ին փողոց թիվ 36 / 3 հողամաս հասցե։ 2. Վարձակալության իրավունքով Աբրահամ Աբրահամյանին պատկանող Սևան համայնք, գ․ Սեմյոնովկա, 1-ին փողոց թիվ 36 / 3 հասցեում գտնվող 3․25598հա մակերեսով հողատարածքը ուղղակի վաճառքի կարգով օտարել Աբրահամ Աբրահմայանին հողի կադաստրային արժեքը /1քմ- 141․9դրամ/ վճարելու պայմանով: 3. Սույն որոշումը ենթակա է հողի պետական գրանցման հողի կադաստրային արժեքը մուծելուց հետո: 4. Սույն որոշումն ուժի մեջ է՝ պաշտոնական հրապարակմանը հաջորդող օրվանից։