ՀՀ Գեղարքունիքի մարզի համայնքապետարանում քննելով Լևոն Ղազարյանի նկատմամբ հարուցված վարչական վարույթի նյութերը պարզեցի Շրջակա միջավայրի նախարարության էկոպարեկային ծառայության կողմից 12․06․2024 թվականին կազմված արձանագրության համաձայն <<ոմն>> Լևոն իբր իրականացրել է 6 x 1․2մմ չափերի տախտակամածի կառուցում։ Որոշակի ուսումնասիրություններից հետո Սևանի համայնքապետարան է հրավիրվել ք․ Սևան, Ազատության փողոց N 61 տան բնակիչ Լևոն Ղազարյանը։ Քաղաքացին կատարել է գրավոր հայտարարություն, որ ինքը որևէ կերպ տեղյակ չի ջրային ոստիկանության շենքի դիմաց տեղադրված տախտակամածից։ Վարչական վարույթի ժամկետները չխախտելու համար, այն օրենքով սահմանված կարգով կասեցվել է։ Կասեցման ընթացքում դիմել ենք ՀՀ ՆԳՆ Ոստիկանության Գեղարքունիքի մարզային Վարչության Սևան ՆԳ բաժին պարզելու համար ում կողմից է իրականացվել ապօրինի շինության տեղադրումը։ 09․09․2024թ․ Սևանի ոստիկանությունից N 57/8-4881 գրությամբ տեղեկացվել ենք, որ հնարավոր չի եղել պարզելու, թե ում կողմից է այդ շինությունը տեղադրվել։ Դրանից հետո համայնքապետարանի աշխատակիցների կողմից ևս իրականացվել են աշխատանքներ պարզելու անհայտ իրավախախտի ինքնությունը, սակայն նույնպես ապարդյուն։ Ելնելով վերոգրյալից, Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետով «Վարչարարության հիմունքները և Վարչարարության մասին» օրենքի 50-րդ հոդվածի 1-ի կետի ե1/ ենթակետի և <<ՎԻՎ>> օրենսգրքի 247-րդ հոդվածի 1-ին կետի պահանջներով որոշում եմ.
1. Կարճել ք․ Սևան , Ազատության փողոց 61 տան բնակիչ Լևոն Ղազարյանի նկատմամբ հարուցված Վարչական վարույթը իրավախախտման դեպքի բացակայության հանգամանքով։
2. Սույն որոշումը կարող է բողոքարկվել վերադաս մարմնի 30 օրվա ընթացքում կամ դատական կարգով երկամսյա ժամկետում։
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
|