Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 29.12.2005թ. N 2387-Ն, 18.05.2006թ. N 731-Ն որոշումներով, ՀՀ կառավարության`18.05.2006թ. թիվ 912-Ն որոշման 3-րդ, 33-րդ կետերով, «Քաղաքաշինության մասին» ՀՀ օրենքի 143 հոդվածով, հիմք ընդունելով Արմեն Սմբատյանի դիմումը՝ իր կողմից ք․ Սևան Գրիբոյեդով փողոց թիվ 10 շենքի հարևանությամբ՝ ավտոտնակների շարքում ինքնակամ կառուցված 54․91քմ մակերեսով ավտոտնակը, 54․91քմ մակերեսով ձեղնահարկը և 4․20քմ մակերեսով պատշգամբը օրինականացնելու մասին, ինչպես նաև հաշվի առնելով, որ շինությունը կառուցված է համայնքային սեփականություն հանդիսացող հողատարածքի վրա, որի նկատմամբ ՀՀ Հողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում կամ կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, որոշում եմ․
1․ Արմեն Սմբատյանի կողմից ք․ Սևան Գրիբոյեդով փողոցի թիվ 10 շենքի հարևանությամբ՝ ավտոտնակների շարքում, համայնքային սեփականություն հանդիսացող հողատարածքի վրա ինքնակամ կառուցված 54․91քմ մակերեսով ավտոտնակը/ ներքին մակերեսը 44․37քմ/, 54․91քմ մակերեսով ձեղնահարկը /ներքին մակերեսը 47․03քմ/, 4․20քմ մակերեսով պատշգամբը և զբաղեցրած 65․1քմ մակերեսով հողատարածքը ճանաչել համայնքային սեփականություն, հողամասի գործառնական նշանակությունը համարել փոփոխված՝ բնակավայրի ընդհանուրից` բնակավայրի բնակելի կառուցապատման: 2․ Արմեն Սմբատյանի կողմից ինքնակամ կառուցված 54․91քմ մակերեսով ավտոտնակը, 54․91քմ մակերեսով ձեղնահարկը և 4․20քմ մակերեսով պատշգամբը ճանաչել օրինական /հաշվառման տեղեկանք՝ 2023QJS9BU/՝ տրամադրելով Սևան համայնք, ք․Սևան, Ա․Գրիբոյեդովի փողոց թիվ 10 / 51 ավտոտնակ հասցե: 3․Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման ծախսերն իրականացվում են ինքնակամ կառույցն իրականացնողի միջոցներով, պետական գրանցման, այդ թվում՝ համայնքային սեփականության ճանաչման և գրանցման ծախսերն իրականացվում են համաձայն Սևան համայնքի ղեկավարի՝ 16․06․2023թ․ N 786-Ա որոշման 1-ին կետի: 4․Սույն որոշումը ենթակա է պետական գրանցման համայնքային սեփականության ճանաչման և գրանցման ծախսերի ամբողջ գումարը քաղաքացու կողմից Սևան համայնքի բյուջե վերականգնելուց հետո: 5․Սույն որոշումն ուժի մեջ է` Արմեն Սմբատյանին սույն որոշման ընդունման մասին իրազեկելու օրվան հաջորդող օրվանից: