Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին կետի 42)-րդ ենթակետի պահանջներով, հիմք ընդունելով «Յունոնա» ՓԲԸ-ի գործադիր տնօրենի գրությունը և նախկինում Սևան համայնքի ավագանու կողմից ընդունված որոշումները ՝ 1. Ըստ ներկայացված ցուցակի՝ Սևան համայնքի նախկին հանրակացարանային շենքերի /ք. Սևան, Շինարարների 1, Նալբանդյան 55, Նալբանդյան 57, Գործարանային 6/ չսեփականաշնորհված բնակարանները ճանաչել համայնքային սեփականություն: 2. Ք. Սևան, Շինարարների 1, Նալբանդյան 55, Նալբանդյան 57, Գործարանային 6 հասցեներում գտնվող շենքերում իրականացնել չափագրման գործընթաց: 3. Համայնքային սեփականություն ճանաչված բնակարանները չափագրման գործընթացից հետո՝ մեկ տարվա ընթացքում, նվիրաբերել այդ բնակարանները զբաղեցրած անձանց: 4. Սույն որոշումն ուժի մեջ է` պաշտոնական հրապարակմանը հաջորդող օրվանից: |