Ղեկավարվելով` «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, 10.06.2008թ. ՀՕ-117-Ն օրենքի 1-ին հոդվածով, ՀՀ հողային օրենսգրքի 64-րդ հոդվածի 2-րդ և 3-րդ կետերով, ՀՀ կառավարության` 29.12.2005թ. թիվ 2387-Ն որոշմամբ և հիմք ընդունելով Յաշա Բադոյանի դիմումը՝ ըստ օրենքի ժառանգության իրավունքի վկայագրի իրեն պատկանող՝ ք․ Սևան, Ե․ Չարենցի փողոց թիվ 5 հասցեում գտնվող 490․0քմ մակերեսով հողատարածքում մինչև 2001թ. մայիսի 15-ը կառուցված բնակելի նշանակության շինությունները սեփական գույք ճանաչելու մասին, նկատի ունենալով, որ դրանք չեն գտնվում ՀՀ հողային օրենսգրքի 60-րդ հոդվածով սահմանված հողամասերի վրա, որոնց պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում կամ կառուցված չեն քաղաքաշինական նորմերի ու կանոնների էական խախտումներով և չեն առաջացնում հարկադիր սերվիտուտ պահանջելու իրավունք որոշում եմ.
1. Ըստ օրենքի ժառանգության իրավունքի վկայագրի Յաշա Փաշոյի Բադոյանին /ծնված` 07.01.1954թ./ պատկանող ք․ Սևան, Ե․ Չարենցի փողոց թիվ 5 հասցեում գտնվող անհատական բնակելի տան կառուցման համար հատկացված 490քմ մակերեսով հողատարածքին կից գտնվող 258․7քմ մակերեսով հողատարածքի նկատմամբ ճանաչել Յաշա Բադոյանի սեփականության իրավունքը։ 2. Սեփականության իրավունքով Յաշա Բադոյանին պատկանող 748․7քմ մակերեսով հողատարածքում 1968-1972թթ․-ին կառուցված 89․84քմ մակերեսով բնակելի տան /ներքին մակերեսը՝ 62․70քմ/, 1968թ․-ին կառուցված 45․09քմ մակերեսով կիսանկուղի /ներքին մակերեսը24․67քմ/, 1972թ․-ին կառուցված 20․45քմ մակերեսով ավտոտնակի /ներքին մակերեսը՝ 16․89քմ/, 1968թ․-ին կառուցված 39․24քմ մակերեսով հացատան-գոմի /ներքին մակերեսը 28․38քմ/, 1978թ․-ին կառուցված 31․08քմ մակերեսով խոհանոց-սանհանգույցի /ներքին մակերեսը 24․81քմ/, 1968-1978թթ․-ին կառուցված 14․62քմ մակերեսով ծածկերի, 1978թ․-ին կառուցված 34․90քմ մակերեսով աստիճանահարթակի․ 1985թ․-ին կառուցված 11․60քմ մակերեսով պարիսպի նկատմամբ ճանաչել Յաշա Փաշոյի Բադոյանի սեփականության իրավունքը, տրամադրելով՝ Սևան համայնք, ք․ Սևան, Ե․ Չարենցի փողոց թիվ 5 բնակելի տուն հասցե։ 3. Սույն որոշումն ուժի մեջ է՝ պաշտոնական հրապարակմանը հաջորդող օրվանից։