Համայնքի 2011թ. տարեկան բյուջեի կատարումը ընթացել է հետևյալ ցուցանիշներով`
ԵԿԱՄՈՒՏՆԵՐԻ ԿԱՏԱՐՈՒՄ
Համայնքի 2011թ. տարեկան բյուջեի եկամուտների պլանը կատարվել է 91.5%-ով, 431.9 մլն. դրամ ճշտված պլանային եկամուտների դիմաց հավաքագրած և պետական բյուջեից հատկացված դոտացիան կազմել է 395.2 մլն. դրամ, թերակատարումը կազմել է ընդհանուր 36.7մլն. դրամ, ա/թ վարչական բյուջեի գծով 2.5 մլն. դրամ, ֆոնդային բյուջեի մասով` 34.2 մլն. դրամ : Նախորդ` 2010թ. նույն ժամանակաշրջանի համեմատությամբ համայնքի բյուջեն գերակատարվել է 3.6%-ով կամ ավել եկամուտները կազմել են 13.8 մլն. դրամ:
2011թ. տարեկան բյուջեի վարչական մասը կատարվել 99.3 %-ով / պլան 388.9 մլն. դրամ, փաստացի 386.4 մլն. դրամ/: 2010թ. համեմատությամբ բյուջեի վարչական մասում ավել եկամուտները կազմել են 22.6 մլն. դրամ կամ վարչական բյուջեի եկամուտները 2010թ. համեմատությամբ ավելացել են 6.2 %: Վարչական բյուջեում սեփական եկամուտները կատարվել են 97.8 %-ով / պլան 119.8 մլն. դրամ, փաստացի 117.1մլն. դրամ/: Նախորդ` 2010թ. նույն ժամանակաշրջանի համեմատությամբ սեփական եկամուտները գերակատարվել են 25.5 %-ով կամ սեփական եկամուտների հավաքագրումը ավելացել է 23.8մլն. դրամի չափով: Սեփական եկամուտների թերակատարումը պայմանավորված է շենք շինությունների, փոխադրամիջոցների գույքահարկի (չի հավաքագրվել ընդհանուր 11.0 մլն. դրամի չափով գույքահարկ) և տեղական տուրքեր (չի հավաքագրվել ընդհանուր 1.1 մլն. դրամի տեղական տուրք ) պլանների թերակատարմամբ : Համայնքի ֆոնդային բյուջեն կատարվել է 20.4%-ով / ճշտված պլան 43.0 մլն. դրամ, փաստացի 8.8 մլն. դրամ / : Նախորդ 2010թ. համեմատությամբ ֆոնդային բյուջեի եկամուտները պակասել են 8.8 մլն. դրամով կամ 50.1%-ով : Այսպիսով համայնքի 2011թ. վարչական բյուջեի թերակատարումը պայմանավորված է սեփական եկամուտների թերակատարմամբ , իսկ ֆոնդային բյուջեի թերակատարումը` համայնքային սեփականություն հանդիսացող հողերի օտարման բացակայությամբ :
Համայնքի 2011թ. բյուջեի եկամուտների կատարման ավելի մանրամասն տվյալները և համեմատականը 2010թ. նույն ժամանակաշրջանի նկատմամբ բերված է թիվ 1 հավելվածում:
ԾԱԽՍԵՐԻ ԿԱՏԱՐՈՒՄ
Եկամուտների կատարման մակարդակից ելնելով` համապատասխանաբար կատարվել են համայնքի 2011թ. տարեկան բյուջեի ծախսերը: Համայնքի բյուջեի ծախսերը կատարվել է 91.1 %-ով: 432.1 մլն.դրամ պլանային ծախսերի դիմաց փաստացի կատարվել է 393.8 մլն. դրամի ծախս կամ թերակատարումը կազմել է 38.3 մլն. դրամ:
Վարչական բյուջեի ծախսերը կատարվել են 98.9%-ով (388.9մլն. դրամ պլան, 384.8 մլն. դրամ փաստացի ծախս), թերակատարումը կազմել է 4.1 մլն. դրամ : Վարչական բյուջեի 47.8%-ը կամ 183.9 մլն. դրամ կազմել են կրթության և մշակույթի ծախսերը,80.4 մլն.դրամ` ընդհանուր բնույթի համայնքային ծառայությունները (20.9%), սանիտարական մաքրման և փողոցային լուսավորության ծախսերը կազմել են 52.5 մլն. դրամ կամ վարչական մասի 13.6 % -ը : Ըստ առանձին ոլորտների` համայնքի 2011թ. տարեկան բյուջեի ծախսերը կատարվել են հետևյալ չափերով. Կրթության ծախսերը` 100.0% , մշակույթի ծախսերը` 99.5%, ընդհանուր բնույթի համայնքային ծառայություններ 97.9 %, շրջակա մջջավայրի պաշտպանություն կամ սանիտարական մաքրում 99.7%, սոցիալական պաշտպանություն 99.9 %, համայնքի բյուջեի պահուստային ֆոնդը, որը ամբողջությամբ ուղղվելի ֆոնդային մաս, կատարվել է 95.9 %-ով, ապահովելով համայնքի 2011թ. ֆոնդային բյուջեի կատարումը 61.7 %-ով : :
2010թ. տարեկան համեմատությամբ 2011թ. վարչական բյուջեի ծախսերը գերազանցվել են 21.0 մլն. դրամ կամ 5.8 %-ի չափով:
2011թ. համայնքի բյուջեի ֆոնդային մասի ծախսերը կատարվել է 61.7 %-ով / 94.8 մլն. դրամ պլան,58.5 մլն. դրամ փաստացի ծախս /, նախորդ 2010թ. համեմատությամբ ֆոնդային բյուջեի գծով ծախսերը թերակատարվել են 13.9 մլն. դրամի չափով, կամ նախորդ տարվա համեմատությամբ ֆոնդային բյուջեի ծախսերը պակասել են 19.2 % -ով :
Համայնքի բյուջեի 2011թ. ծախսերը և համեմատականը 2010թ. նկատմամբ բերված է թիվ 2 հավելվածում:
Համայնքի 2011թ. ֆոնդային բյուջեից վճարվել է 33.4 մլն. դրամի չափով ասֆալտապատման, անձրևաջրատար ցանցի և փոսային հիմնանորոգման համար` կուտակելով 20.3 մլն. դրամի չափով պարտք : Փողոցային լուսավորության կառուցման ծախսերը կազմել են 10.5 մլն. դրամ, առաջացել է այդ գծով 1.4 մլն. դրամի պարտք : «Բողբոջ» մ/մ ՀՈԱԿ շենքի տանիքի կապիտալ նորոգման համար վճարվել է 12.1 մլն. դրամ, պարտքը այս գծով կազմել է 0.4 մլն. դրամ : Համայնքի բյուջեի հաշվին իրականացվել են նաև այլ ծրագրեր :
ՊԱՐՏՔԵՐ
Առ 01.01.11թ. դրությամբ բյուջետային պարտքերը կազմել են 26.6 մլն. դրամ :
Բյուջետային գործառնություններից դուրս պարտքեր չկային: 2011թ. ընթացքում մարվելէ 26.6 մլն. դրամի փողոցային հիմնանորոգման և ՀՈԱԿ թերֆինանսավորման պարտքերը : 2011թ ընթացքում կուտակվել է 23.2 մլն. դրամի չափով պարտքեր, որից փողոցների փոսային հիմնանորոգման գծով 20.3 մլն. դրամ, փողոցների լուսավորության կառուցման գծով 1.4 մլն. դրամ, թջվ 1 մ/մ ՀՈԱԿ շենքի տանիքի հիմնանորոգման գծով 0.4 մլն. դրամ, նախագծային աշխատանքների գծով 1.1 մլն. դրամ : Առկա պարտքերի մարման և մնացորդների վերաբերյալ ցուցանիշները բերված են N 3 աղյուսակում :
2011թ. ֆինանսատնտեսագիտական բաժնի աուդիտորական խմբի կողմից 10 ՀՈԱԿ և համայնքի ղեկավարի աշխատակազմում կատարվել է ներքին աուդիտ 2010թ.. տարեկան հաշվետվությունների հիման վրա, կազմված համապատասխան հաշվետվությունները և եզրակացությունները, գործող կարգի համաձայն ուղարկված են ՀՀ Ֆինանսների նախարարություն :
Հիմք ընդունելով «ՏԻՄ» ՀՀ օրենքի 16-րդ հոդվածի 3 կետի, 69 հոդվածի «Բյուջետային համակարգի մասին» ՀՀ օրենքի 35 հոդվածի 2,3 կետերի պահանջները
Հաստատել համայնքի 2011թ. բյուջեի կատարման մասին հաշվետվությունը:
հավելվածները կցվում են:
|