Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24)-րդ կետով, համաձայն ՀՀ Քաղաքացիական օրենսգրքի 188-րդ հոդվածի 2-րդ կետի, ՀՀ կառավարության` 18.05.2006թ. «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշման 34-36 կետերի պահանջների, հաշվի առնելով քաղ. Վարդան Գրիգորյանի դիմումը` Սևան համայնք, ք․ Սևան, Գործարանային փողոց թիվ 1/47 հասցեում կառուցված 34․50քմ մակերեսով ավտոտնակը, 14․30քմ մակերեսով նկուղը և 34․50քմ մակերեսով զբաղեցրած հողատարածքն ուղղակի գործարքով իրեն վաճառելու մասին, նկատի ունենալով, որ ավտոտնակը, նկուղը և զբաղեցրած հողատարածքը ՀՀ Հողային օրենսգրքի 60-րդ հոդվածով սահմանված հողատեսք չեն հանդիսանում, որոշում եմ.
1. Սևան համայնք, ք․ Սևան, Գործարանային փողոց թիվ 1/47 հասցեում գտնվող, Սևան համայնքի ղեկավարի` 06․07․2023թ․ թիվ 887-Ա որոշմամբ օրինական և համայնքային սեփականություն ճանաչված, N 30052025-05-0029 պետական գրանցում ստացած 34․50քմ մակերեսով ավտոտնակը՝ 1քմ՝ 1673 դրամ, 14․30քմ մակերեսով նկուղը 1քմ՝ 3346դրամ և զբաղեցրած 34․50քմ մակերեսով հողատարածքը՝ 1քմ՝ 2887․5դրամ, ուղղակի գործարքի միջոցով վաճառել ՀՀ կառավարության` 18.05.2006թ. թիվ 912-Ն որոշման 34-րդ կետով սահմանված գնման նախապատվությունը ստանալուց հետո` 15 աշխատանքային օրվա ընթացքում համապատասխան դիմում ներկայացրած քաղ․ Վարդան Գրիգորյանին ։ 2. Քաղ. Վարդան Երվանդի Գրիգորյանի հետ կնքել առուվաճառքի պայմանագիր և սահմանել, որ առուվաճառքի հետ կապված ծախսերն իրականացվում են գնորդի հաշվին: 3. Սույն որոշմամբ ծագող սեփականության իրավունքը ենթակա է պետական գրանցման: 4. Սույն որոշումն ուժի մեջ է մտնում հրապարակմանը հաջորդող օրվանից։